Jeremia 2:29 - ÎVUKU RÎA ÛVORO MWARO

²⁹ Mûrareta mateta menyu kûrî nie nîkî? Muonthe nîmûreganîte nanie, ûguo nîguo Ngai-Mûnene arauga.

Jeremia 2:29 ပူးပေါင်းရင်းမြစ်များ

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.