Jeremia 2:20 - ÎVUKU RÎA ÛVORO MWARO

²⁰ Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 2:20 ပူးပေါင်းရင်းမြစ်များ

1Atha 12:32

Jeroboamu nîwatuire andû makûngûagîre kîrugo mûthenya wa îkûmi na îtano mwerirî wa kanana, ta kîrugo kîrîa kîethagîrwa Juda. Metharî ya kîgongoona kûu Betheli nîwarutîre tûcaû twa thaavu tûrîa aarûthîte magongoona, na akiga athînjîri-Ngai kûu Betheli matungatage marî kûndû kûrîa gûtûgîru gwa kûgoocera kûrîa aatumîte.

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

Thaburi 107:14

Nîwamarutire ndumarî kûu kwarî na îvooru, na agîtucanga mînyororo yao.

Thaburi 2:3

“Tiga tûtucange mînyororo îrîa matwovete nayo, na tuume wathanirî wao.”

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Ntha 19:8

Nao andû onthe nîmaacokirie marî vamwe makiuga atîrî, “Tûgekaga maûndû monthe marîa Ngai-Mûnene augîte.” Nake Musa akîthiî akîra Ngai-Mûnene ûrîa andû maaugire.

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 10:27

Vîndî îo, nîngaamwaûra mûrigo ûrîa Asîria mamwigîrîrîte, na munange îcoki rîrîa mamwigîrîrîte ngingo.”

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 30:8

Ngai-Mûnene mwene vinya wonthe arauga atîrî, “Rîrîa îvinda rîu rîgakinya, nîngaunanga îcoki rîrîa rîrî ngingorî na nducange mînyororo yao. Matigatuîka ngombo cia andû ageni rîngî.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Ezek 16:28

“Nîwavûrire ûmaraa na andû a Asîria nîûndû ndweganîra; nîma nîwavûrire ûmaraa nao na ndweganîra.

Ezek 16:31

Makathîkanorî ma njîra cionthe nîwetumîrîte kûndû gwa kûgoocagîra mîvuanano, na ivaarorî ûgatuma kûndû gûtûgîru. Ndwarûthaga ta mûmaraa nîûndû ndwetagia mbia.

Ezek 16:41

Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Hosea 3:3

Nwatî nînamwîrire atîrî, “Nwa nginya ûtûûre ûrî wakwa mîthenya mîngî ûtagwîka ciîko cia ûtharia kana gûtuîka mûka wa mûndûmûrûme wîngî; na wananie nîngûtuîka mwîvokeku kûrî we.”

Hosea 4:13

Marutagîra magongoona irîmarî îgûrû, marutagîra matega mao tûrîmarî, rungu rwa mîtî mîraca na îyambîte waro, nîûndû kîruru Kîamyo nî kîoro. Kwoguo erîtu akwa nîmavûraga ûmaraa, na aviki enyu makatharia.

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Alawi 26:13

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Nahumu 1:13

Rîu nîngûthiria vinya wa Asîria kuuma kûrî mue, na nîngûtucanga mînyororo îo mwovetwe nayo.”

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 26:17

Ûmûnthî nîmweranîra atî Ngai-Mûnene nîke Ngai wenyu, na atî mûkaarûmagîrîra njîra ciake, mûkaavingagia mawatho make monthe, irîra ciake na mwîgucage mûgambo wake.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 5:27

Musa, coka na ûthikîrîrie maûndû monthe marîa Ngai-Mûnene, Ngai wetû akuga. Ûcoke ûke ûtwîre maûndû mau monthe agûkwîra na nî tûkûmegua na tûmeke.’

Josh 1:16

Nao nîmaacokerie Joshua atîrî, “Ûrîa wonthe watwatha twîke nîtûgwîka na kûrîa kuonthe ûngîtûtûma nîtûkûthiî.

Josh 24:24

Nao andû a Isiraeli nîmeerire Joshua atîrî, “Tue tûgatungatagîra Ngai-Mûnene, Ngai wetû na tûkaathîkagîra maathani make.”

Josh 24:26

Joshua nîwandîkire mawatho mau îvukuurî rîa Watho wa Ngai. Nîwacokire agîoca îthiga înene na akîriga rungu rwa mûtî mûnene wa mûvuru vakuvî na vandû varîa vatheru va Ngai-Mûnene.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:13

Maatigire kûgooca Ngai-Mûnene na makîambîrîria gûtungatîra ngai cia mîvuanano cia Baali na Ashitarothu.

1Sam 12:10

Namo methe menyu ma tene nîmaathaithire Ngai-Mûnene amatethie makiugaga atîrî, “Nîtwîvîtie nîûndû tue nîtwagûtiganîrie we, Ngai-Mûnene na tûgîtungatîra ngai cia mîvuanano cia Baali na Ashitarothu, nwatî rîu tûvonokie kuuma kûrî nthû cietû na tûgagûtungatagîra!