Jeremia 2:17 - ÎVUKU RÎA ÛVORO MWARO

¹⁷ Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:17 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Ayubu 34:27

nîûndû nîmatigîte kûmûrûmîrîra, na makaregana na watho wake.

Ayubu 4:8

Nie nîmonete atî, arîa mavandaga mbeû ya maûndû macûku na waganu, nwacio makethaga.

Thaburi 107:7

Nîwamatongoririe njîrarî nûngarû, nginya magîkinya îtûûrarî rîrîa maatûûrire.

Thaburi 136:16

Nîke watongoririe andû ake makîvîtûkîrîra werûrî; nîûndû wendo wake ûtathiraga ûtûûraga tene na tene.

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 4:18

Ciîko cienyu na mîthiîre yenyu, nîyo îkûreterete maûndû mama; ûcio nîguo mûthiro na nî mûrûrû; ûtonyete nginya ngororî yaku ndaarî.”

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Jeremia 5:25

Mevia menyu nîmatûmîte mûrege kûgwata irathimo icio, mevia magatûma mûrega kûgwata maûndû maro.

Ezek 39:24

Naamekire kûringana na maûndû mao marîa marî mûgiro na mevia mao na ngîmatiganîria.”

Hosea 13:9

Nîngûmûcûkangia mue andû a Isiraeli; nû ûngîmûtethia?

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!

Ndari 32:23

Nwatî mwarega kûvingia ciîranîro cienyu, nîramwîra nama atî mûkeethîrwa mwîvîtie mbere ya Ngai-Mûnene, na nîmûkaaverithua nîûndû wa wîvia wenyu.

Gûco 32:10

“Aamethîrîrie makîûrûraga werûrî, werû mûtiganîrie na warî na rûkûngi rûnene. Nîwamamenyerere na akîmagitîra, wata ûrîa angîmenyerera riitho rîake ke mwene.

Gûco 32:19

Rîrîa Ngai-Mûnene oonire ûguo nîwamatiganîrie, nîwatiganîrie erîtu na anake ake.