Jeremia 19:4 - ÎVUKU RÎA ÛVORO MWARO

⁴ Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 19:4 ပူးပေါင်းရင်းမြစ်များ

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 23:10

Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Thaburi 106:38

Nîmeetûrûrire nthakame ya andû mataarî na mavîtia, nthakame ya anake na erîtu ao; arîa maarutire marî magongoona kûrî mîvuanano ya Kanaani, naguo vûrûri ûkîgwatwa nî mûgiro nîûndû wa nthakame îo.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 65:11

“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;

Jeremia 1:16

Nanie nîngaverithia matûûra monthe nîûndû wa waganu wao wa kûregana nanie. Nîmarutîrîte ngai cia mûvuanano magongoona na makagooca indo irîa marûthîte na njara ciao.

Jeremia 11:13

Nîûndû mue andû a Juda ngai cienyu ciîngîvîte wata matûûra menyu, nacio metha cia kûrutîra ngai ya Baali magoongona irîa mûtumîte ciîngîvîte ta tûcîra twa Jerusalemu.

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 17:20

na wîre athamaki onthe a Juda, andû onthe a Juda na andû onthe arîa matûûraga Jerusalemu, arîa matonyagîrîra ivingorî ûrîa Ngai-Mûnene arauga.

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 7:22

Nîngaamatiganîria nîguo magwatie vandû vakwa varîa vatheru mûgiro, nao acunani matonye kuo na mavagwatie mûgiro.

Ezek 8:11

Mbere ya mîvuanano îo kwarî na athuuri mîrongo mûgwanja a Isiraeli, na Jaazania mûvîcî wa Shafani arûngamîte vamwe nao. Wa mûndû agwete kathaani ga kûvîvîria ûbani, na ndogo ya ûbani nîyaumaga îkiunûkagia.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Luka 11:50

Kwoguo andû a rûciaro rûrû nîmakaaverithua nîûndû wa kûûraga arathi onthe arîa maanaûraga kuuma rîrîa nthî yaûmbirwe.

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 28:20

Mweka maûndû macûku na mûtiganîrie Ngai-Mûnene, ke nîagaatûma mûnyitwe nî mûthiro, ivîngîcî na mûgîe na mathîna maûndûrî monthe marîa mûgekaga, nginya mûgaacûkangua mûthire viû na îvenya.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Atir 5:8

Nîgwacokire gûkîgîa mbaara vûrûrirî, rîrîa Aisiraeli maathuurire ngai ciîngî. Gatagatîrî ka arûme ngiri mîrongo îna a Isiraeli, kwanoneka ngo kana îtumû?