Jeremia 18:22 - ÎVUKU RÎA ÛVORO MWARO

²² Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.

Jeremia 18:22 ပူးပေါင်းရင်းမြစ်များ

Thaburi 119:85

Andû arîa etîi nîmamînjîrîte marima mangwîthie kuo, andû arîa matarûmagîrîra watho waku.

Thaburi 140:5

Andû arîa etîi nîmambigîrîte mûtego; mambîte ndigi ta neti, na makathitha mîtego njîrarî nîguo mangwatithie.

Thaburi 140:6

Mbîraga Ngai-Mûnene atîrî, “We nîwe Ngai wakwa.” Thikîrîria mûgambo wa mathaithana makwa,

Thaburi 142:4

Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.

Thaburi 38:12

Andû arîa mendaga kûmbûraga nîmanyambagîra mîtego, arîa mendaga mone thîna mavangaga ûrîa makûnjûkangia, matitiganaga na mîvango ya kûmbûraga.

Isaia 10:30

Ugîrîriani, mue andû a Galimu! Thikîrîriani, mue andû a Laisha! Metîkeni, mue andû arîa mûtûûraga Anathothi!

Jeremia 18:20

Ûndû mwaro nîûrîvagwa na ûndû mûcûku? Nwatî o maramînjîra îrima ngwe, ririkana ûrîa narûngamire mbere yaku ngîkwîra ûrîa marî aro, nîguo ûthirie marakara maku kûrî o.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 20:16

Mûndû ûcio arotuîka ta matûûra, marîa Ngai-Mûnene omomorire atarî na ntha. Mûndû ûcio nîegue kîrîro kîraûko, na mûthenya egue înegene rîa mbaara,

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 5:26

Andû arîa aganu monekaga gatagatîrî ka andû akwa, mekaraga metererete ta ategi a iconi mategere mîtego. Mategaga mîtego yao makagwatithie andû.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Zefania 1:16

mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.

Mathaayo 22:15

Afarisai nîmaathiîre na makîvanga ûrîa magûtega Jesû na ciûria.