Jeremia 18:11 - ÎVUKU RÎA ÛVORO MWARO

¹¹ Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 18:11 ပူးပေါင်းရင်းမြစ်များ

Kîam 11:7

Tiga tûnyûrûrûke nthî nîguo tûmavîngîcanîrie rûthiomi rwao, nîguo matikeguithanagie mîariorî.”

1Atha 22:23

Kwoguo Mikaia nîwathiririe na kuga atîrî, “Ngai-Mûnene nîatûmîte arathi aya aku onthe maveenanie. Nwatî Ngai-Mûnene ke mwene nîaugîte atî nîûkaagîa na ûndû mûcûku!”

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

2Atha 22:13

“Thiîni mûkaûrie Ngai-Mûnene vandûrî vakwa, na vandûrî va andû onthe a Juda ûvoro wîgiî mandîko ma îvuku rîîrî rîronekire, nîûndû Ngai-Mûnene nîmûrakaru mûno nîtue nîûndû methe metû matiavingia maûndû monthe marîa matwîgiî kûringana na ûrîa îvuku rîîrî riugîte.”

2Atha 5:5

Nake mûthamaki wa Sîria nîwerire Namani atîrî, “Thiî wa rîu kûrî mûthamaki wa Isiraeli na ûmûvirîre maarûa îno.” Kwoguo Naamani nîwaumire kûu na akîthiî na tûcunjî ngiri mîrongo îthatû (30,000) twa sîlûva, tûcunjî ngiri ithathatû (6,000) twa thaavu, na nguo cia gûcenjia maita îkûmi.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 19:3

Nîûkauga atîrî, ‘Mue athamaki a Juda na atûûri onthe a Jerusalemu ta thikîrîriani ûrîa Ngai-Mûnene, mwene vinya wonthe na Ngai wa Isiraeli arauga; nama nîngûrete mûthiro mûnene mûno vandû ava, nîguo mûndû ûrîa ûkegua ûvoro wake akamaka mûno.

Jeremia 25:2

Jeremia nîwavere andû onthe a Juda na a Jerusalemu ndûmîrîri îo akîmera atîrî,

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 26:13

Kwoguo rîu rûngariani mîthiîre yenyu na ciîko cienyu, na mwathîkîre mûgambo wa Ngai-Mûnene Ngai wenyu. Nake Ngai-Mûnene nîakwîricûkwa atige gwîka maûndû marîa augîte nîakûmwîka.

Jeremia 26:3

Nwa kwîthîrwa nîmakûthikîrîria na matigane na maûndû mao macûku, nanie nwa nîricûkwe gwîka maûndû macûku marîa nîvarîrîtie kûmeka nîûndû wa waganu wao ûrîa mekaga.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 36:3

Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 4:1

Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Jeremia 4:23

Nînaroririe nthî, na ngîona kûndû gûcûku na gûtarî kîndû, na ngîroria îgûrû ngîona gûtarî na ûtheri.

Jeremia 4:6

Igani kîmenyithia njîrarî ya Zayuni! Vinyûrani mwîgitîre! Mûtigacererwe! Ngai-Mûnene nîakûrete mûthiro kuuma mwena wa rûgûrû, na gûcûkangua kûnene.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 7:3

Ngai-Mûnene mwene vinya wonthe, Ngai wa Isiraeli arauga atî mûrûngarie mîthiîre yenyu na ciîko cienyu, na nîngûmwîtîkîria mûthiî na mbere gûtûûra vûrûrirî ûyû.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Jona 3:8

Andû onthe wana nyamû cia kûrîthua nwanginya ciîkîrwe nguo cia macakaya. Mûndû wa wonthe nwanginya avoe na kinyi kûrî Ngai na atige mîtugo yake mîcûku na ciîko ciake cia waganu.

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Jakuvu 4:13

Rîu tanthikîrîriani, mue arîa mugaga atîrî, “Ûmûnthî kana rûyû tue nîtûkaathiî îtûûrarî rîna. Nîtûgekara kuo îvinda rîa mwaka mûgima na nîtûkaaruta wîra wa kûgûra na kwendia na tûgîe na mbeca nyîngî.”

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!