Jeremia 18:10 - ÎVUKU RÎA ÛVORO MWARO

¹⁰ nwatî vûrûri kana ûthamaki ûcio ûgarûrûke na wambîrîrie gwîka maûndû macûku mbere yakwa, nîngericûkwa ndige kûwîka maûndû maro marîa navangîte gûwîka.

Jeremia 18:10 ပူးပေါင်းရင်းမြစ်များ

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Ezek 33:12

“Nawe mûndû arîria andû enyu ûmere atî mûndû mûthingu angîvîtia, ûthingu wake ndûngîmûvonokia. Nake mûndû mwaganu angîtiga waganu, ndakaaverithua. Mûndû mûthingu angîtiga ûthingu wake acoke kwîvia ndagaatûûra mwoyo.

Ezek 33:18

Mûndû mûthingu angîtiganîria ûthingu wake na acoke gwîka maûndû macûku, nîagaakua nîûndû wa mavîtia mau.

Ezek 45:20

Mûthenya wa mûgwanja wa mweri mûthînjîri-Ngai ageka wa ûguo nîûndû wa mûndû wa wonthe ûrîa ûngîvia atakwenda kana evie nîûndû wa kûrigwa. Na njîra îo nîmûkaatheria hekarû.

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 14:23

Matigaatonya vûrûrirî ûrîa nerîre methe mao ma tene. Gûtirî wanarî mûndû ûmwe wa acio maareganire nanie ûgaatonya vûrûrirî ûcio.

Ndari 14:34

Mûgaatûûra mûnyamaraga mûrî werûrî îvinda rîa mîaka mîrongo îna (40). Mwaka ûmwe ûkaarûngamagîrîra mûthenya ûmwe wa mîthenya îrîa mwaûrûraga mûrî werûrî nîguo mûmenye nînaarakarire!

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.

1Sam 15:35

Nake Samueli ndoona Saûlo rîngî nginya rîrîa aakwire. Nwatî Samueli nîwarîrîre Saûlo mûno. Na Ngai-Mûnene nîweririre nîûndû wa gûtua Saûlo mûthamaki wa Isiraeli.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.