Jeremia 17:25 - ÎVUKU RÎA ÛVORO MWARO

²⁵ athamaki na anene, arîa magekarîra gîtî Kîam ûnene Kîam ûthamaki Kîam Daudi, nîmagaatonya na mîvîrîga ya Jerusalemu mekarîrîte ikaari cia mbaara, na mbarathi na mathiî vamwe na andû a Juda, na atûûri a Jerusalemu, îtûûra rîîrî rîa Jerusalemu rîtûûrage andû tene na tene.

Jeremia 17:25 ပူးပေါင်းရင်းမြစ်များ

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

2Sam 8:4

Daudi nîwamûcunire athigari ngiri îmwe na magana mûgwanja (1,700) arîa maathiîcaga matûîte mbarathi na athigari ngiri mîrongo îîrî (20,000) arîa maathiîcaga na magûrû. Nîwatigaririe mbarathi cia kwîgana cia gûkururia ikaari îgana rîmwe, agîcoka agîtemanga icio ciîngî mîkiva ya magûrû ma vuva igîtuîka cionje.

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 13:13

Nîûgacoka ûmeere atî, Ngai-Mûnene arauga nîagaatûma andû a vûrûri ûyû marîwe nî ndivei, athamaki onthe arîa maatuîkire athani vandûrî va Daudi, athînjîri-Ngai, arathi na atûûri onthe a Jerusalemu.

Jeremia 22:2

Ûmere atîrî: “We mûthamaki wa Juda ta thikîrîria; we wîkaragîra gîtî Kîam ûnene Kîam Daudi, we wana ndungata ciaku, na andû enyu arîa matonyagîra mîîrîgarî îno, tathikîrîriani ûrîa Ngai-Mûnene augîte.

Jeremia 22:30

Ngai-Mûnene arauga atîrî, “Andîka mûndû ûyû atî ndarî ciana, mûndû ûtakagacîra ûtûûrorî wake, nîûndû gûtirî mûndû wanarî ûmwe wa rûciaro rwake, ûgekarîra gîtî Kîam ûthamaki Kîam Daudi, na athane rîngî vûrûrirî wa Juda.”

Jeremia 22:4

Mûngîathîkîra nama ciugo ino ngûmwatha ûmûnthî, athamaki onthe arîa magekaragîra gîtî Kîam ûthamaki Kîam Daudi magatonyagîra mîîrîgarî ya nyomba îno ya mûthamaki. Magatonyaga vamwe na ndungata ciao, andû ao mekarîrîte mbarathi na ikaari cia mbarathi.

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Jeremia 33:17

Nîûndû nie Ngai-Mûnene nîrauga atî, gûtigatura mûndû wa rûciaro rwa Daudi wa kwathana Isiraeli,

Jeremia 33:21

nwaguo ndangîgarûra kîrîkanîro gîakwa na Daudi ndungata yakwa, nîguo vîndî cionthe kwîthagîrwe kûrî na mûndû ûrathana kuuma rûciaro rwa Daudi na kîrîkanîro gîakwa na athînjîri-Ngai a mûvîrîga wa Lawi arîa mandungatagîra.

Jeremia 7:3

Ngai-Mûnene mwene vinya wonthe, Ngai wa Isiraeli arauga atî mûrûngarie mîthiîre yenyu na ciîko cienyu, na nîngûmwîtîkîria mûthiî na mbere gûtûûra vûrûrirî ûyû.

Jeremia 7:7

Nîûndû mweka ûguo nîngûmwîtîkîria gûtûûra vûrûrirî ûyû, ûrîa naveere methe menyu matûûre kuo tene na tene.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

1Sam 8:11

Ke nîwamataarîrie na akîmera atîrî, “Mûthamaki ûcio nîagecukia anake enyu na athiî nao; amwe ao nîakaamatua ndereva cia ikaari ciake cia mbaara, nao engî amatue a kûthiîcaga matûîte mbarathi ciake, nao makathiîcaga mavinyûrîte matongoreretie ikaari ciake cia mbaara.