Jeremia 17:21 - ÎVUKU RÎA ÛVORO MWARO

²¹ Meere Ngai-Mûnene arauga atî, mamenyerere mûtûûrîre wao na matigakuue mûrigo mûthenya wa thavatû, kana makuue kîndû magîtonyerie mîvîrîgarî ya îtûûra rîa Jerusalemu.

Jeremia 17:21 ပူးပေါင်းရင်းမြစ်များ

Ntha 20:8

“Menyagîrîra mûthenya wa thavatû na ûwamûrage.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Maariko 4:24

Nake Jesû nîwacokire akîmeera atîrî, “Menyererani maûndû marîa mûregua, nîûndû kîthimi kîrîa mûthimanagîra nakîo nwakîo Ngai akaamûthimîra nakîo na amwongerere.

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Gûco 11:16

Menyererani mûtikaveenererue mûtiganîrie Ngai-Mûnene na mûgooce ngai irîa ciîngî na mûitungatîre.

Gûco 4:15

“Kwoguo nwanginya mûmenyerere mûtikariganîrwe atî vîndî îrîa Ngai-Mûnene aamwarîrie arî mwakirî kûu kîrîmarî gîa Sinai, mûtiamwona na mûtiîcî mûmbîre wake. Nîûndû wa ûguo îîmenyerereni mûno,

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Josh 23:11

Kwoguo menyererani mwendage Ngai-Mûnene, Ngai wenyu.