Jeremia 17:1 - ÎVUKU RÎA ÛVORO MWARO

¹ Ngai-Mûnene augîte atîrî, “Mevia ma andû a Juda mandîkîtwe na karamu ga cuuma; macoretwe ngororî ciao na mûthiia mûûgî wa îthiga rîa goro, na magacorwa mîthiiarî yenyu ya metha cia magongoona.

Jeremia 17:1 ပူးပေါင်းရင်းမြစ်များ

Nthi 3:3

Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku.

Nthi 7:3

Manyite na ndûkamarekie, maige ngororî yaku.

Isaia 49:16

Taroria nîngwandîkîte mvîîrî cia njara ciakwa; monaga nthingo ciaku vîndî cionthe.

Jeremia 11:13

Nîûndû mue andû a Juda ngai cienyu ciîngîvîte wata matûûra menyu, nacio metha cia kûrutîra ngai ya Baali magoongona irîa mûtumîte ciîngîvîte ta tûcîra twa Jerusalemu.

Jeremia 2:22

Wana ûngîîthambia na thabuni ûrî na vinya atîa, maroro ma mevia maku matingîthira. Ûguo nîguo Ngai-Mûnene arauga.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Hosea 8:11

“Andû a Efiraimu nîmatumîte metha nyîngî mûno cia magongoona, kûu metharî icio cia magongoona nîkuo waganu wîngîvîrîte.

Alawi 4:25

Mûthînjîri-Ngai nî agaacoka atovokie Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, îrîa îvîvagîrua matega, acoke etûrûre îo îngî nthî ya metha ya kîgongoona.

Zakaria 7:12

Nîmaaûmirie ngoro ciao ta mathiga, kwoguo matingîathîkîra watho kana ndûmîrîri îrîa nie Ngai-Mûnene nwene vinya wonthe naamatûmîre na njîra ya arathi arîa maarî kuo mbere. Kwoguo nie Ngai-Mûnene mwene vinya wonthe nînaarakarire nîo.

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.