Jeremia 16:7 - ÎVUKU RÎA ÛVORO MWARO

⁷ Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Jeremia 16:7 ပူးပေါင်းရင်းမြစ်များ

Ayubu 42:11

Nao aa mûrwang'ina, na andû onthe arîa mbererî maarî arata ake, nîmaûkire kûmûcerera na makîrîcanîra nake gwake mûciî. Nîmaanyitanîre nake mathînarî make na makîmûmîrîria nîûndû wa mathîna monthe marîa aacemanîtie namo kuuma kûrî Ngai-Mûnene na wa mûndû akîmûva mbeca na gîcûvî Kîam thaavu.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Jeremia 22:10

Andû a Juda mûtikarîrîre mûthamaki Josia kana mûmûcakaîre. Nwatî rîrani na vinya nîûndû wa mûvîcî Joahazu, nîûndû ndagaacoka rîngî kwona vûrûri ûrîa aaciarîrwe.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Gûco 26:14

Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.