Jeremia 15:7 - ÎVUKU RÎA ÛVORO MWARO

⁷ Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 15:7 ပူးပေါင်းရင်းမြစ်များ

Thaburi 1:4

Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 51:2

Nîngûtûma ageni magacûkangie Babulonia, ta ûrîa rûkûngi rûmbûraga macaki. Rîrîa kavinda ga gûûcûkangia gagaakinya, makaûtharîkîra na mîena yonthe maûtige ûtarî kîndû.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 24:25

Ngai-Mûnene nîwambîrire atîrî, “Mûndû, kûrî mûthenya ngaamacuuna kîrîa moonaga arî kîo gîa kûmagitîra, gîkeno Kîamo na riiri wao, kîrîa meriragîria na metho mao na ngoro ciao na nîmacune ciana ciao cia anake na cia erîtu.

Ezek 36:12

Nîngaatûma andû akwa a Isiraeli maûke na matûûre vûrûri ûyû na mawîgwatîre ûtuîke wao na ndûgaatûma ciana ciao ikua rîngî.

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:32

Anake enyu na erîtu enyu makaavecanagwa kûrî ageni wa mûroretie. Mûgeekaraga wa mûthenya mûkûûrîte metho mwone kana nîmagûcoka, nwatî mûtikethîrwa mûrî na ûvoti wa kûrigîrîria mathiî.

Gûco 28:41

Nîmûkaagîa na anake na erîtu, nwatî matikethîrwa marî enyu nîûndû onthe nîmagaatavwa.