Jeremia 15:17 - ÎVUKU RÎA ÛVORO MWARO

¹⁷ Ndiekarania vamwe na arîa magangarîte, kana ngenanîra nao; nekarire nienga nîûndû nîwarakarîte nînie, necûrîtwe nî marakara.

Jeremia 15:17 ပူးပေါင်းရင်းမြစ်များ

Thaburi 1:1

Kûrathimwa nî mûndû ûrîa ûreganaga na mataaro ma andû arîa aganu, ûrîa ûtarûmagîrîra njîra cia andû arîa evia, kana ekarania na andû arîa manyararaga ûvoro wa Ngai.

Thaburi 102:7

Ndaraga ndarî toro, mbîkariî ta gîconi gîtigîtwe kîonga îgûrû rîa nyomba.

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 16:8

“Ndûkathiî mûciî kûrîa kûrî na kîrugo nîguo mûnyunyanîre na ene mûciî ûcio.”

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Maca 3:28

Agîrîrwe nî gwîkara akirîte arî wenga, rîrîa Ngai-Mûnene atûma athînîke.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.