Jeremia 15:10 - ÎVUKU RÎA ÛVORO MWARO

¹⁰ Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Jeremia 15:10 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Thaburi 109:28

Tiga andû manume, nwatî we ûndathime, tiga arîa marantharîkîra maconoke, nanie, ndungata yaku, ngene.

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Ntha 22:25

“Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Nthi 26:2

Kîrumi gîtagîrîrîte gîtinyitaga mûndû, gîkariî ta nthûngûrûrû îrîa îgûrûkaga îtakûgwa vandû.

Jeremia 15:20

Kûrî andû aya nîngagûtua rûthingo rwa vinya rwa gîcango; nîmakaarûa nawe nwatî matigaakûvota, nîûndû nîrî vamwe nawe ngûvonokie na ngûkûûre.

Alawi 25:36

Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Alawi 25:37

Mûtikamûkombithie mbeca atî nîguo akaarîva na maciaro, na mûtikamûnengere irio atî nîguo akaamûrîva irî nyîngaîngî.

Habakuku 1:3

Ûratûma mone maûndû mama macûku na thîna nîkî? Gûcûkangua na mbaara irî mbere yakwa; ngucanio na mbaara nîciambîrîrîtie.

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”