Jeremia 14:4 - ÎVUKU RÎA ÛVORO MWARO

⁴ Arîmi marî na kîeva na magakunîka ciongo ciao, nîûndû wa kwona ûrîa nthî yûmagarîte.

Jeremia 14:4 ပူးပေါင်းရင်းမြစ်များ

Jeremia 2:37

Nîmûkauma kûu Misiri, mwîkîrîte njara ciongo nî nthoni. Nie Ngai-Mûnene nîndeganîte na andû arîa wîvokete, na ûtethio wao ndûgatûma maûndû maku mavue.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Joeli 1:11

Cakayani mue arîmi; rîrani mue mûmenyagîrîra mîthavibu. Ngano na cairi nî njûkangie, maketha monthe mîgûndarî nî macûkangie.

Joeli 1:17

Mbeû nîiracûkîra mûtheturî, kûrîa kwigagwa indo gûtirî kîndû, makûmbî rîu nî macûkangie, nîûndû gûtirî na irio cia kwiga kuo.

Alawi 26:18

“Ethîrwa wana neka maûndû mau monthe mûtikaavingia Maathani makwa, nî ngaamûverithia makîria nîûndû wa mevia menyu.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.