Jeremia 14:22 - ÎVUKU RÎA ÛVORO MWARO

²² Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 14:22 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 17:14

Nîûndû Ngai-Mûnene, Ngai wa Isiraeli augîte atî, ‘Mûtu ndûkaathira mbakûrirî kana maguta mathira mûcuvarî nginya mûthenya ûrîa ngaaurithia mbura.’ ”

1Atha 18:1

Vuva wa mîthenya mîîngî, mwakarî wa kathatû, Ngai-Mûnene nîwerire Elija atîrî, “Thiî wîyonithanie kûrî mûthamaki Ahabu, na nîngurithia mbura nthî.”

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

Ayubu 28:26

rîrîa aatuire kûrîa mbura îkauraga, na kûrîa ngwa na mveni ikaavîtûkagîrîra;

Ayubu 5:10

Nîke urithagia mbura nthî, na agetîrîria mîgûnda manjî.

Thaburi 130:5

Mbetagîrîra Ngai-Mûnene na mwoyo wakwa wonthe, na nîîvokaga kiugo gîake.

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Thaburi 147:8

Nîatambarûkagia matu îgûrû rîetû, nîke ûtûmaga mbura yure nthî, na agatûma nyaki îmere irîmarî.

Thaburi 25:21

Ngitîra nîûndû wa wega na wîvokeku wakwa, nîûndû we nîwe nîîvokete.

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 10:3

Mîtugo ya ndini ya andû acio nî ya maveeni. Mûtî nîûtemagwa mûtitûrî, na ûkaumua mûvuano wa ngai na kathanwa nî mûndû.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 5:12

Andû a Isiraeli na Juda nîmaregete Ngai-Mûnene, na makauga atî: “Gûtirî ûndû angîka; tûtingîgwatwa nî ûndû mûcûku, na tûtikethîrwa na yûra kana mbaara.

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Jeremia 51:16

Rîrîa aruta mûgambo, manjî marîa marî îgûrû nîmarurumaga; nîke ûtûmaga matu maume mîena yonthe ya nthî. Atûmaga kûgîe mveni vîndî ya mbura, na agatûma rûvuvo ruume makûmbîrî make.

Hosea 2:7

Nîakaarûmîrîra arata ake, nwatî ndakamoona; nîakaamacaria; nwatî ndakamoona. Nake nîagaacoka auge atîrî, “Nîngûcoka kwa mûthuuri wakwa wa mbere; nîûndû vîndî îo narî mwaro gûkîra rîu.”

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Mika 5:6

“Nîmagaatûmîra indo ciao cia mbaara kwatha Asîria, nîmakavoota vûrûri wa Nimurodi. Na nîmagaatûvonokia kuuma kûrî Asîria rîrîa makaatharîkîra vûrûri wetû.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Gûco 28:12

Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.