Jeremia 14:13 - ÎVUKU RÎA ÛVORO MWARO

¹³ Nînacokire ngiuga atîrî, “Ûûi, Ngai-Mûnene, ta thikîrîria ûrîa arathi marameera, ‘Mûtikaagîa na mbaara, kana yûra, nwatî mûkethagîrwa mûrî na thayû mûrî vûrûrirî ûyû.’ ”

Jeremia 14:13 ပူးပေါင်းရင်းမြစ်များ

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Jeremia 4:10

Nînacokire ngiuga atîrî, “We Ngai-Mûnene, nama nîûveenetie andû a Jerusalemu viû na ûkaamera atî maûndû mao nîmakwîthîrwa marî maro, nwatî vîndî îo nîrîo marî ûgwatirî mûnene.”

Jeremia 5:12

Andû a Isiraeli na Juda nîmaregete Ngai-Mûnene, na makauga atî: “Gûtirî ûndû angîka; tûtingîgwatwa nî ûndû mûcûku, na tûtikethîrwa na yûra kana mbaara.

Jeremia 5:13

Arathi matirî na ûûma mekariî ta rûkûngi, matirî na ndûmîrîri kuuma kûrî Ngai-Mûnene, Ûguo makuga nîguo mageekwa!”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 6:14

Mavonagia ironda cia andû akwa îgûrû, makiugaga atî: ‘Kûrî na thayû, kûrî na thayû,’ wa rîrîa gûtarî thayû.

Jeremia 8:11

Mavonetie ironda cia andû akwa îgûrû, makiugaga, ‘Kûrî na thayû,’ rîrîa gûtarî na thayû.

Ezek 12:24

“Gatagatîrî ka andû a Isiraeli gûtigaacoka kûgîa na ûrathi wa maveeni rîngî kana cioneki cia maveeni.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.