Jeremia 13:27 - ÎVUKU RÎA ÛVORO MWARO

²⁷ Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 13:27 ပူးပေါင်းရင်းမြစ်များ

Thaburi 94:4

Nî nginya rî eki naaî magûtûûra maragia ciugo cia gwîtîîa, andû arîa acûku magûtûûra metîîaga?

Thaburi 94:8

Mue andû aya aritu ûguo, ta îcirieni rîngî! Mue irimû ino, mûkaaûvîga rî?

Nthi 1:22

“Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî?

Isaia 57:7

Mûrîarûthîru ûtharia kûndû kûrîa gûtûgîru na njîra ya kûgooca mîvuanano, kwoguo mûtiîthîrîtwe mûrî evokeku kûrî nie.

Isaia 65:7

nîûndû wa mevia mao na nîmaverithîrie mevia ma methe mao. Nîûndû nîmaavîvagîria ûbani îgûrû rîa irîma, na makanumaga marî îgûrû rîa tûrîma. Kwoguo nîmaverithia viû nîûndû wa maûndû marîa meekire tene.”

Jeremia 11:15

Endwa akwa arîa mendete nîmagîrîrwe nî kwîthîrwa marî nyombarî yakwa wa magîkaga waganu? Mîvîtwa na matega menyu ma kûvîvua, nwa magirie mûkinyîrwa nî mûthiro? Kwoguo vi maûndû mau nwa matûme mûkene?

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Ezek 16:23

Ngai-Mûnene augîte atîrî, “Ûûi, kaî ûrî na thîna-î, nîûndû vuva wa gwîka maûndû mau monthe ma waganu,

Ezek 2:10

Nîwacokire akîrîkûnjûra mbere yakwa, na ngîona rîandîkîtwe mîena yoîrî ciugo cia gûcakaya, kîrîro na mathîna.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 24:12

Nwatî nîrenogia mana nîûndû nganga icio itingîthirua nî mwaki.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 24:6

Kwoguo Ngai-Mûnene arauga atîrî, “We îtûûra rîîrî rîa aûragani, kaî ûrî na thîna-î! Îtûûra rîîrî rîkariî ta thuvuria îrî na kutu îtangîthira. Inuku cia nyama irutagwa thuvuriarî kîmwe gwa kîmwe itakûthuurûkanua.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 8:5

Andû a Samaria, nie nînthûrîte mûvuano wa gacaû. Marakara makwa nîmanene îgûrû rîenyu. Nî nginya rî mûgûtûûra mûtarî atheru?

Zefania 3:1

Jerusalemu kaî ûrî na thîna-î, îtûûra rîrî na gîko, mûgiro na rîvinyagîrîria andû akuo.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”