Jeremia 13:18 - ÎVUKU RÎA ÛVORO MWARO

¹⁸ Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 13:18 ပူးပေါင်းရင်းမြစ်များ

2Atha 24:12

Jehoiakini, mûthamaki wa Juda, ng'ina, anake ake, athigari ake, wana ndungata cia nyomba yake nîmerekererie kûrî mûthamaki wa Babuloni. Jehoiakini aanyitirwe mûgwate mwakarî wa kanana (8) Nebukadinezarû arî mûthamaki wa Babuloni.

2Atha 24:15

Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 39:28

na magîtuma kîremba, ngovia, na thuruvarî cia gwîkagîra rungu rwa nguo icio ndaca cia gîtambaa Kîamro,

Nthi 27:24

nîûndû ûtonga ndûtûûraga tene na tene, wana ûthamaki ndûtûûraga tene na tene.

Isaia 3:20

itambaa cia ciongo, mîcivi, mvang'iri, mîcivi, tûthandûkû twa mînyamû manungi waro, na ithitû;

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Jeremia 22:24

Ûvoro wîgiî Konia mûthamaki wa Juda mûvîcî wa Jehoiakini, Ngai-Mûnene arauga atîrî, “Nîrevîta nie Ngai mûtûûra mwoyo, atî kethîrwa we Konia mûvîcî wa Jehoiakini wîkariî ta mbete yakwa ya mûvûûri njararî yakwa ya ûrîo, nîngîkûruta ngûte.

Jeremia 22:26

Nîngaamûnyitithia mûrî na nyûkwe ûrîa wamûciarire mûvirwe vûrûrirî mûgeni, vûrûri ûcio tîguo mwaciarîrwe na mue muoîrî nîkuo mûgaakuîra.

Jeremia 29:2

Jeremia aandîkire maarûa îo vuva wa mûthamaki Jekonia, mûthamaki mûndûmûka, andû ngaramba, anene a Juda na Jerusalemu, mavundi na aturi kûvirwa îthamîriorî.

Jeremia 36:16

Na rîrîa meegwire ciugo cionthe, nîmaroranirie marî na guoya na makîra Baraki atîrî, “Nwanginya twîre mûthamaki maûndû mau monthe twegua.”

Maca 1:6

Riiri ûrîa warî îtûûrarî rîa Zayuni nîwathirire. Atongoria a kuo magînjîte ta nthiia, iturîte gîa kûrîa, itarî na vinya nîciaûrire nî aguîmi acio.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 16:12

na ngîgwîkîra gîcûvî îniûrû na mindo matû, na ngîgwîkîra ngovia mbaro mûno kîongo.

Ezek 21:26

Nie Ngai-Mûnene mwene vinya wonthe mbugîte atî: Ruta kîremba kuuma kîongo gîaku na ûrute nthûmbî. Maûndû matigwîkara ûrîa meekariî mbere. Tûgîria arîa enyivia, na ûnyivie arîa metûgagîria.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Ezek 24:23

Mûgeekîra iremba ciongorî cienyu, na mwîkîre iratû magûrû menyu, mûtigaacakaa kana mûrîra. Nwatî nîûndû wa mevia menyu nîmûkaagîa na kîeva na wa mûndû nîagacakaagîra mûndû ûrîa wîngî.

Ezek 44:18

Makeyovaga iremba cia nguo mbaro ciongorî ciao na mekagîre mîvuto ya nguo mbaro, nwatî matikeyova mîcivi nîguo matikathithine.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Mathaayo 18:4

Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka.

Jakuvu 4:10

Îînyivieni mbere ya Mwathani, nake nîakûmûnenevia.

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.