Jeremia 13:17 - ÎVUKU RÎA ÛVORO MWARO

¹⁷ Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 13:17 ပူးပေါင်းရင်းမြစ်များ

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 15:17

Ndiekarania vamwe na arîa magangarîte, kana ngenanîra nao; nekarire nienga nîûndû nîwarakarîte nînie, necûrîtwe nî marakara.

Jeremia 17:16

Ndiakûringîrîria ûmaretere thîna, kana ngerirîria mûthenya wa mûthiro, we Ngai-Mûnene nîwîcî; kîrîa Kîamumire kanyuarî gakwa nîûgicî.

Jeremia 22:5

Nwatî mwarega kwathîkîra ciugo ino, nie Ngai-Mûnene, neranîra na mwîvîtwa atî nyomba îno îgaatuîka îganjo.”

Jeremia 23:1

Ngai-Mûnene arauga atîrî, “Arîthi arîa maûragaga ng'ondu cia ndîthia yakwa, kaî marî na thîna-î!”

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:18

Ngoro ciao nîciakaîre Ngai-Mûnene, makîrîrîra rûthingo rwa mwarî wa Zayuni. Tiga methori metîke ta mbura ûtukû na mûthenya. Rîra ûtagûtigithîria! Cakaya ûtakûvurûka.

Maca 3:48

Metho makwa mecûrîte methori, nîûndû wa ûrîa andû etû mathirîtue.

Ezek 24:16

“We mûndû, taroria, nîngûringa mûndû ûrîa wendete nîmûrute kuuma kûrî we. Kûnarî ûguo, ndûgacakaa kana ûrîre, kana wîtûrûre methori.

Ezek 34:31

“Mue nîmue ng'ondu ciakwa, ng'ondu cia ndîthia yakwa, nanie nînie Ngai wenyu. Ûguo nîguo nie Ngai-Mûnene Ngai mbugîte.”

Ezek 36:38

Matûûra marîa momoku nîmakethîrwa na andû eengî ta ûrîa vîndî îmwe îtûûra rîa Jerusalemu rîarî na ng'ondu nyîngî irîa ciarutîtwe cia magongoona kavinda karîa kaarî kagîrîru. Nao nîmagaacoka kûmenya atî, nie nînie Ngai-Mûnene.”

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.

1Sam 15:35

Nake Samueli ndoona Saûlo rîngî nginya rîrîa aakwire. Nwatî Samueli nîwarîrîre Saûlo mûno. Na Ngai-Mûnene nîweririre nîûndû wa gûtua Saûlo mûthamaki wa Isiraeli.