Jeremia 12:3 - ÎVUKU RÎA ÛVORO MWARO

³ Nwatî we Ngai-Mûnene nîûmbicî, we nîûnduîrîtie na ûkoona ûrîa ngwîciragia. Maguucie ta ng'ondu îvirîtwe kîthînjîrorî, maige nginya mûthenya ûrîa makaûragwa.

Jeremia 12:3 ပူးပေါင်းရင်းမြစ်များ

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

Ayubu 23:10

Nwatî ke nîamenyaga njîra îrîa nûmagîrîra, rîrîa akangeria ngaumîra ntherete ta thaavu.

Thaburi 11:5

Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

Thaburi 139:23

Nduîria we Ngai, na ûmenye ûrîa ngoro yakwa îkariî; nthima na ûmenye meciria makwa.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Jeremia 15:15

We Ngai-Mûnene nî ûmbicî ndirikana na ûnjerere, ndirikana na ûke ûndethie, ûndîvîrîrie kuumana na arîa manyariraga, nîûndû wa ûrîa ûkiragîrîria ndûgatûme mbûragwe, ririkana atî nie numagwa nî ûndû waku.

Jeremia 17:16

Ndiakûringîrîria ûmaretere thîna, kana ngerirîria mûthenya wa mûthiro, we Ngai-Mûnene nîwîcî; kîrîa Kîamumire kanyuarî gakwa nîûgicî.

Jeremia 17:18

Arîa manyariraga maroconorithua, nwatî ndûgatûme njonorithua, marogîa na guoya, nwatî ndûgatûme ngîa na guoya, ûrotûma makinyîrwe nî mavinda ma thîna, maretithîrie mûthiro ûmathirie viû.

Jeremia 20:12

We Ngai-Mûnene mwene vinya wonthe, we ûthimaga andû arîa athingu, we wonaga ngoro na meciria ma andû, ndethia mone ûkîndîvîrîria kûrî nthû ciakwa, nîûndû mbigîte mwîvoko wakwa kûrî we.

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 51:4

Nîmagaativangîrua njîrarî cia matûûra ma kuo, na makuîre vûrûrirî ûcio wa Akalidei.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Jakuvu 5:5

Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.