Jeremia 12:16 - ÎVUKU RÎA ÛVORO MWARO

¹⁶ Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 12:16 ပူးပေါင်းရင်းမြစ်များ

Rwîmbo rwa Nyîmbo 1:8

We ûrîa mûthaka gûkîra aka onthe, nîkwa ûtaicî nî kû? Rûmîrîria mûkinyo wa ng'ondu, ûkarîthie mbûri ciaku vakuvî na magema ma arîthi.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Aroma 11:17

Mvûa imwe cia mûtî wa mûtamaiyû nî ngavûrange, na ruo rûvûa rwa mûtî wa mûtamaiyû wa kîthaka rûgaciarithanua na guo. Mue andû a Ndûrîrî mwîkariî ta mûtamaiyû ûcio wa kîthaka. Nîmûtethekaga nî kîrîa kiumaga kûrî Ayahudi na njîra ta îrîa rûvûa rwa mûtamaiyû wa kîthaka rûtethekaga rwaciarithanua na mûtamaiyû ûrîa wa mûgûndarî.

Aroma 14:11

Nîûndû mandîko matheru maugîte atî: Mwathani augîte atîrî, “Wata ûrîa ndûûraga mwoyo, andû onthe nîmagaaturia maru mbere yakwa, na maumbûre atî nie nînie Ngai.”

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

Josh 23:7

Mûtikagwatanîre na mavûrûri marîa maatigirwe gûkû mûrî. Mûtikagooce ngai ciao cia mîvuanano kana mwîvîta mûkîigwetaga wana kana mwînamîrîre mûrî mbere yacio.

Ruthu 3:13

Rara gûkû ûmûnthî, nîguo rûyû kîraûko tûkamenya kana mûndû ûcio nîagetîkîra gûkûgaa. Ethîrwa nîagetîkîra, nî waro; nwatî ethîrwa nîakaarega, nînevîta na Ngai-Mûnene ûrîa ûtûûraga mwoyo atî nîngakûgaa. Rîu mama nginya rûyû kîraûko.”