Jeremia 12:12 - ÎVUKU RÎA ÛVORO MWARO

¹² Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 12:12 ပူးပေါင်းရင်းမြစ်များ

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Isaia 57:21

Ngai wakwa arauga atîrî, ‘Andû arîa aganu matingîgîa na thayû.’ ”

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 16:5

“Nîûndû Ngai-Mûnene arauga atî: ndûgatonye nyomba ya andû arîa maracakaya, kana ûthiî macakayarî, kana ûmarîrîre. Nîûndû nînthengutîtie thayû, wendo wakwa ûtathiraga, na ntha ciakwa kûrî andû akwa.

Jeremia 25:11

Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 30:5

“Nie Ngai-Mûnene mbugîte atî: Nîkwîguîtwe kîrîro gîa kûmakania, na mûgambo wa gwîkanîra guoya na tî thayû.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

Jeremia 48:2

Ngumo ya vûrûri wa Moabu nî nthiru, mîvango mîcûku îgiî Moabu yavangîrwe Heshiboni: ‘Ûkani tûûcûkangie ûtige gûtuîka vûrûri rîngî!’ Wanawe îtûûra rîa Madimeni nîûkûthira viû, ndûkaûrîra mbaara îrîa yûkîte.

Jeremia 8:15

Twerîgîrîre thayû nwatî gûtirî wega twonire, tûkîrîgîrîra îvinda rîa ûvonia nwatî twonire kîmako.

Maca 3:17

Ndirî na thayû ngororî, gîkeno nîkîariganîre.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 21:4

Nîûndû ngaamaûraga nîmarute kûrî we arîa aro wana arîa aganu, kwoguo ngaaûraga andû onthe kuuma mwena wa îveti kûthiî mwena wa rûgûrû.

Ezek 21:8

Ngai-Mûnene nîwambîrire atîrî,

Ezek 21:9

“Mûndû, rathîra andû ûvoro ûmere Nie Mwathani mbugîte atî: Rûviû rwa njûra, rûviû rwa njûra nî rûnoore na rûkathûwa.

Ezek 5:2

Rîrîa mîthenya ya kûrigicîria îtûûra rîa Jerusalemu îkaathira, nîûgoca gîcunjî kîmwe Kîam ithatû ûthiî ûgakîvîvîrie gatagatî ga îtûûra. Na gîcunjî kîmwe Kîam ithatû ûgîtinangîrie mîenarî yonthe ya îtûûra. Nakîo gîcunjî kîu kîngî Kîam kathatû ûkîgûrûkithie na rûkûngi nîûndû nîngaamarûmîrîria njomorete rûviû.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Zefania 2:12

Wana mue andû a Kushi nîmûkaaûragwa nî rûviû rwake.

Gûco 32:42

Nîngaatûma mîguî yakwa înyue nthakame. Rûviû rwakwa rûrîe nyama, na rûconjwe nî nthakame ya andû arîa aûrage na mîgwate, na nthû irîa irî njuîrî ndaca.

Kûguû 6:4

Nayo mbarathi îngî ya rangi ndune nî yaumîrire. Nake ûrîa wathiîte amîkarîrîte nîwaverwe rûtha athengutie thayû gûkû nthî nîguo andû maûragane. Nake nîwaverwe rûviû rûnene