Jeremia 11:10 - ÎVUKU RÎA ÛVORO MWARO

¹⁰ Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 11:10 ပူးပေါင်းရင်းမြစ်များ

Thaburi 78:57

makîgarûrûka na magîka maûndû macûku ta methe mao; maathugarire ta ûta ûtarî mûrûngarû.

Isaia 24:5

Andû arîa matûûraga gûkû nîmagwatîtie nthî mûgiro, nîûndû nîmaunîte mawatho ma Ngai, makarega kûrûmîrîra kîrîra gîake, na makauna kîrîkanîro gîa tene na tene.

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 22:9

Nao nîmagacokia atî, ‘Ekire ûguo nîûndû nîmaatiganîrie kîrîkanîro Kîam Ngai-Mûnene Ngai wao na mûkîambîrîria kûgooca Ngai ciîngî na gûitungatîra.’ ”

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 44:5

Nwatî gûtirî mûndû wambîguire kana akînthikîrîria nîguo matigane na waganu na kûvîvîria ngai ng'eni ûbani.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Ezek 16:59

Tathikîrîria, Ngai-Mûnene araugîte atîrî, “Ngaagwîka wata ûrîa we wekire nîûndû wanyararire mîvîtwa yaku na ûkîthûkia kîrîkanîro.

Ezek 44:7

Nîmagwatîtie hekarû yakwa mûgiro nîûndû wa gwîtîkîria ageni na andû arîa matarî aruu matonya hekarûrî rîrîa nîrarutîrwa maguta na nthakame ya magongoona. Kwoguo andû akwa nîmekîte maûndû marî magigi na nîmaunîte kîrîkanîro gîakwa.

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Zakaria 7:13

Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.