7 Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.
Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.
Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!
Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.
Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”