Jeremia 10:4 - ÎVUKU RÎA ÛVORO MWARO

⁴ Andû nîmaûgemagia na sîlûva na thaavu; nîmavûthagîra nyondo na mîcumarî kûûnyitithania, nîguo ndûkainaine.

Jeremia 10:4 ပူးပေါင်းရင်းမြစ်များ

Thaburi 115:4

Mîvuanano ya ngai cia andû a ndûrîrî irûthîtwe na sîlûva na thaavu, irûthîtwe na njara cia andû.

Thaburi 135:15

Mîvuanano ya ngai cia mavûrûri irûthîtwe na sîlûva na thaavu, irûthîtwe na njara cia andû.

Isaia 44:12

Mûturi wa indo cia cuuma ocaga cuuma na akamîrutîra wîra akîmîvîvagia na mwaki. Amîturaga na nyondo na akamîthondeka na njara yake îrî vinya. Vîndî îo araruta wîra ûguo, ke nîavûtaga, akanyonda, akanoga na akathira vinya.

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Habakuku 2:19

Kaî ûrî na thîna-î! We wîraga mûtî gîting'û atîrî: “Ûkîra!” Kana îthiga rîtaragia, “Rûngama.” Mûvuanano nwa ûkûthomithie ûndû? Mûvuanano nwa wîthîrwe ûkunîkîtwe na thaavu na sîlûva, nwatî ndûrî na mwoyo wanarî vanini.