Jeremia 10:2 - ÎVUKU RÎA ÛVORO MWARO

² Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Jeremia 10:2 ပူးပေါင်းရင်းမြစ်များ

Kîam 1:14

Ngai nîwacokire akiuga atîrî, “Nîkûgîe motheri matuurî îgûrû ma kwamûranagia mûthenya na ûtukû na monanagie mavinda, mîthenya, na mîaka.

Jeremia 10:1

Mue andû a Isiraeli, tathikîrîriani mwîgue ûrîa Ngai-Mûnene arauga.

Ezek 20:32

Ûguo mûtuîte na ngoro cienyu gûtingîvoteka, nîûndû mûrauga atî nîmwenda kûvanana na ndûrîrî irîa ciîngî, irîa igoocaga mîtî na mathiga.”

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 20:23

Mûtikarûmîrîre mîtugo ya andû arîa matûûraga vûrûrirî ûcio. Nînîmengata nîguo mûthiî mûgatûûre kuo. Nîmandakarîtie nîûndû wa maûndû monthe macûku marîa mekaga.

Gûco 18:9

“Rîrîa mûgaatonya vûrûrirî ûrîa Ngai-Mûnene Ngai wenyu akûmûva, mûtikarûmîrîre mîtugo mîcûku ya andû arîa matûûraga kuo.

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”