Jeremia 1:5 - ÎVUKU RÎA ÛVORO MWARO

⁵ “Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Jeremia 1:5 ပူးပေါင်းရင်းမြစ်များ

Thaburi 139:15

Rîrîa naûmbagwa we nîwaicî, rîrîa naûmbagîrwa nthithorî îvurî rîa nyanya, we nîwaicî atî naarî kuo.

Thaburi 139:16

We nîwamonaga wana mbere ya njiarwe, mîthenya yakwa yonthe îrîa naatarîrîtwe yarî mîandîke îvukuurî rîaku, wana mbere ya mûthenya wa mbere wambîrîria.

Ntha 33:12

Musa nîwerire Ngai-Mûnene atîrî, “Nî ma nîwambîra ndongorie andû mathiî vûrûri ûcio, nwatî ndûnamonia mûndû ûrîa watûma nîguo tûthiî nake. Nîwauga atî nîûmbicî waro na ûrî mûkenu nînie.

Ntha 33:17

Nake Ngai-Mûnene nîwerire Musa atîrî, “Ûguo wambûria nîguo ngwîka, nîûndû nîrî mûkenie nîwe na nîngwicî waro.”

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 49:1

Tanthikîrîriani mue mavûrûri ma kûraca, tegani matû mue andû arîa mûtûûraga kûndû kûraca! Ngai-Mûnene aambîtire mbere ya njiarwe, aanthuurire nduîke ndungata yake nîrî îvurî rîa nyanya.

Isaia 49:5

Na rîu Ngai-Mûnene arauga atî; ûrîa wambîtire kuuma nîrî îvurî rîa nyanya, nîguo nduîke ndungata yake; nîguo njokie andû a Jakovu kûrî ke, nîguo njokanîrîrie andû a Isiraeli varî ke. Ngai-Mûnene nîamvete gîtîîo, na Ngai wakwa nîke ûtuîkîte vinya wakwa.

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 1:4

Ndûmîrîri ya Ngai-Mûnene nîyanginyîre ngîrwa atîrî,

Jeremia 20:15

Kûgwatwa nî kîrumi nî mûndû ûrîa waretere vava ndûmîrîri akîmwîra atî: “Wî mûciarîre kavîcî,” Agîtûma ecûrwe nî gîkeno.

Jeremia 25:13

Nîngatûma ciugo irîa naririe ciîgiî vûrûri ûyû na maûndû monthe marîa mandîkîtwe îvukuurî rîîrî marîa Jeremia aarathîte îgûrû rîa mavûrûri monthe mavinge.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 1:41

Rîrîa Elizabethi egwire ngethi cia Mariamu, mwana ûrîa warî îvurî rîake nîwathagatire. Nake Elizabethi nîwecûrirwe nî Roho Mûtheru,

Luka 1:76

“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

1Akor 8:3

Nwatî Ngai nîwîcî mûndû wa wonthe ûmwendete.

Aefeso 1:22

Ngai nîwaigire maûndû monthe rungu rwa magûrû ma Kristû na akîmûtua Mwathani wa indo cionthe nîûndû wa kanitha.