Jeremia 1:13 - ÎVUKU RÎA ÛVORO MWARO

¹³ Ngai-Mûnene nîwacokire akîmbûria atîrî, “Nîndûî ûrona?” Nanie nînamûcokerie atîrî, “Nîrona nyûngû îkîtherûka înamîte mwena wakwa kuuma mwena wa rûgûrû.

Jeremia 1:13 ပူးပေါင်းရင်းမြစ်များ

Kîam 41:32

Ûvoro ûcio wa gûcokera kîroto maita maîrî nî wa kwonania atî Ngai nîke ûtuîte gwîkare ûguo na agerie kûvingia ûndû ûcio.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 24:3

Nake Ngai-Mûnene nîwambûrire atîrî, “Jeremia, nîndûî ûrona?” Nînacokirie atîrî, “Nîrona ngûyû mbaro mûno, na ngacoka ngona ngûyû njûku mûno îtangîrîka.”

Ezek 11:3

Maugaga atî, ‘Kavinda ga gûtuma nyomba tîgakinyu; îtûûra rîîrî nîta nyûngû ya kûruga, natue nîta tue nyama.’

Ezek 11:7

“Kwoguo, nie Ngai-Mûnene mbugîte atî, ciimba cia andû arîa mûragîte na mûkamaikia na kûu, andû arîa mûragîte nîo nyama, narîo îtûûra rîîrî nîrîo nyûngû ya kûruga, nwatî nîngûmûruta kuo.

Ezek 12:28

Kwoguo meere nie Ngai-Mûnene, mbugîte atî ciugo ciakwa cionthe gûtirî gîgeekarîrîria rîngî. Ûrîa mbarîtie nwanginya wîkîkage. Ûguo nîguo nie Ngai-Mûnene mbugîte!”

Amosi 8:2

Ngai-Mûnene nîwacokire akîmbîra atîrî, “Amosi, nî ndûî ûrona?” Na nie nînamûcokerie atîrî, “Nîrona matunda ma vîndî ya riûa mecûrîte gîkavurî.” Nake Ngai-Mûnene nîwacokire akîmbîra atîrî, “Mûthiia wa andû akwa a Isiraeli nîwakinya, ndingîricûkwa rîngî ûvororî wîgiî kûmaverithia.

Zakaria 4:2

Nake nîwambûririe atîrî, “Nîndûî ûrona?” Nanie nînaamûcokerie atîrî, “Nînîrona vandû va kwigîrîra taa varûthîtwe na thaavu na îgûrû rîavo vaigîtwe mbakûri. Îgûrû rîa vandû vau vaarî na taa mûgwanja na wa taa îrî na vandû va gwîkîra rûtambi.