Jakuvu 5:16 - ÎVUKU RÎA ÛVORO MWARO

¹⁶ Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Jakuvu 5:16 ပူးပေါင်းရင်းမြစ်များ

Kîam 19:29

Kwoguo rîrîa Ngai aacûkangagia matûûra marîa maarî Kîamnda kîu kûrîa Loti aatûûraga, nîwaririkanire Iburahimu na agîtûma Loti ethare nîguo ndakaûragwe.

Kîam 20:17

Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana.

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

2Sam 19:19

na akiuga atîrî, “Mûthamaki wakwa, nakûthaitha ndûkaririkane maûndû macûku marîa nekire mûthenya ûrîa waumaga Jerusalemu. Ndûkaige maûndû mau ngororî yaku, kana wîcirie ûvoro wamo.

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

2Maû 30:20

Nake Ngai-Mûnene nîwegwire mavoya ma Hezekia na nîwovere andû.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Ntha 17:11

Vîndî îrîa yonthe Musa eethagîrwa aûkîrîrîtie njara ciake, andû a Isiraeli nîmaavootanaga. Na rîrîa agwîthia njara ciake Amaleki makambîrîria kûvootana.

Ntha 9:33

Musa nîwaumire varî mûthamaki wa Misiri na akîthiî nja ya îtûûra rînene. Na rîrîa aaûkîrîrie njara ciake na îgûrû akîvoya Ngai-Mûnene, ngwa na mbura ya mbembe nîyatigire kuura gûkû nthî.

Nthi 15:29

Ngai-Mûnene nîwîgucaga mavoya ma andû arîa athingu, nwatî ndathikagîrîria andû arîa aganu.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Ndari 11:2

Andû nîmaarîrîre Musa, na rîrîa Musa aavoire Ngai-Mûnene mwaki nîwavorire.

Mathaayo 21:22

Ethîrwa mue nwa mwîtîkie, mûkaavecagwa kîndû kîonthe kîrîa mûgetagia rîrîa mûravoya.”

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Luka 9:6

Nao arutwa acio nîmaaumire vau na makîthiî icagirî cionthe makîvunjagia Ûvoro Mwaro na makîvonagia arwaru a kûndû kuonthe.

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 19:18

Andû eengî etîkia nîmaambîrîrie kumbûra cararûkû maûndû macûku marîa o meekîte.

Ciîko 8:24

Nake Simoni nîwerire Petero na Johana atîrî, “Mwenda mvoerani kûrî Mwathani nîguo ndikone ûndû wana ûmwe wa mau mwagweta.”

Aroma 3:10

Wata ûrîa mandîko matheru maugîte atîrî: “Gûtirî mûndû mûthingu.

Aroma 5:19

Wata ûrîa andû eengî maatwirwe evia nîûndû wa ûremi wa mûndû ûmwe, na njîra wata îo andû eengî nîmagaatuwa athingu nîûndû wa kwathîka kwa mûndû ûmwe.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

1Ath 5:17

Voyagani mûtagûtigithîrîria

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

1Ath 5:25

Ariû na aarî a îthe wetû, tûvoyagîreni.

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 12:13

Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.

Josh 10:12

Mûthenya ûcio Ngai-Mûnene aavotithirie andû a Isiraeli kûvoota andû a Amori, Joshua nîwaririe na Ngai-Mûnene. Joshua arî mbere ya andû a Isiraeli nîwaugire atîrî, “Riûa, rûngama ki îgûrû rîa Gibeoni; nawe mweri rûngama ki Kîamndarî Kîam Aijaloni.”

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Joh 3:22

Ngai nîatûvecaga kîndû wa kîonthe kîrîa twamwîtia nîûndû nîtûrûmagîrîra maathani make na nîtwîkaga maûndû marîa mamûkenagia.

1Sam 1:12

Hana nîwathiîre na mbere kûvoya Ngai-Mûnene îvinda îraca, nake Eli nîwaroretie mîromo ya Hana.

1Sam 12:17

Îvinda rîîrî nî rîrîa kwîthagîrwa gûtarî na mbura. Nwatî nie nîmvoya Ngai-Mûnene nîguo arete ngwa na aurithie mbura. Vîndî îrîa ûndû ûyû ûgeekîka nîrîo mue mûkaamenya, atî nîmwekire wîvia mûnene kûrî Ngai-Mûnene rîrîa mwetirie mûthamaki.”

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli