Jakuvu 4:8 - ÎVUKU RÎA ÛVORO MWARO

⁸ Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

Jakuvu 4:8 ပူးပေါင်းရင်းမြစ်များ

Kîam 18:23

Iburahimu nîwathiîre kûrî Ngai-Mûnene na akîmûria atîrî, “Ûgacûkangia andû arîa acûku wa vamwe na arîa aro?

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Ayubu 16:17

Nwatî gûtirî ûndû mûcûku mbîkîte, na mvoyaga Ngai nîrî na ngoro ntheru.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Ayubu 9:30

Wana nîngîîthambia na manjî ma mbaravu, na nthambie ngara ciakwa ithere mûno,

Thaburi 119:113

Nînthûrîte andû a ngoro igîrî, nwatî nîmendete watho waku.

Thaburi 145:18

Ngai-Mûnene arî vakuvî na arîa onthe mamûvoyaga, arî vakuvî na arîa onthe mamûvoyaga na ma.

Thaburi 18:20

Ngai-Mûnene nîwambîkire maûndû maro nîûndû wa ûthingu wakwa, nîandathimaga nîûndû ndirî na mavîtia.

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 26:6

Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Thaburi 73:13

Anga nî wîra wa mana kwiga ngoro yakwa îrî ntheru na ngemenyerera ndikevie?

Thaburi 73:28

Nwatî vakwa nie, nîwaro gwîkara vakuvî na Ngai, nînduîte Mwathani Ngai-Mûnene vandû vakwa va kwîthitha, nîguo managîrîre maûndû monthe marîa ekîte!

Isaia 13:15

Mûndû wa wonthe ûkoonwa nîakaamundwa na rûviû, na mûndû wa wonthe ûkaanyitwa nîakaaûragwa.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Jeremia 4:11

Vîndî îo andû a Jerusalemu nîmakerwa atîrî, “Rûkûngi rûrî na ûrugarî mûnene nîrûravurutana kuuma werûrî rûkîte kûrî andû akwa. Tî rûkûngi rwa kûgûrûkia macaki kana kûtheria.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Maca 3:57

Nîwanjokerie na ûkîmbîra ndigetigîre.

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Malaki 3:7

Kuuma vîndî ya methe menyu, mue nîmûtiganîrîtie maathani makwa na mûkarega kûmarûmîrîra. Kwoguo nie Ngai-Mûnene, mwene vinya wonthe nîrauga atîrî: Njokererani, nanie nîngûmûcokerera. Nwatî mue mûragia atîrî, ‘Nîtûgûcokerera atîa?’

Mathaayo 12:33

“Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo.

Mathaayo 15:2

“Nî ndûî kîgiragia arutwa aku marûmîrîre kîrîra kîrîa methe metû ma tene maatûtigîre? O matiîthambagia njara ta ûrîa kwagîrîre mbere ya kûrîa irio!”

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Jakuvu 1:8

Ke ndagîrîrwe nîgwîciria atî nîakaamûkîra kîndû kuuma kûrî Mwathani.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Sam 14:35

Nake Saûlo agîtumîra Ngai-Mûnene metha ya kîgongoona riita rîa mbere.