Jakuvu 4:12 - ÎVUKU RÎA ÛVORO MWARO

¹² Ngai wenga nîke mûvecani wa watho na mûtucanîri. Ke wenga nîke ûngîvota kûvonokania na gûcûkangia viû. Ûreciria wî û ûgîtuîra mûndû ûrîa mûriganîtie nake?

Jakuvu 4:12 ပူးပေါင်းရင်းမြစ်များ

Ayubu 38:2

“We wî û nîguo ûregane na kîrîra gîakwa? We ndûmenyaga ûrîa ûrauga.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Aroma 14:13

Kwoguo nîtûtige gûtucanîra. Vandû va ûguo twagîrîrwe nî gûtua atî tûtigeke ûndû wana ûmwe ûrîa ûngîtûma mûndû ûrîa wîngî avîngwe kana agwe meviarî.

Aroma 14:4

We wî û nîguo ûtuîke wa gûtuîra ndungata ya mûndû ûrîa wîngî? Mwathi wa ndungata îo nîke ûgaatua kana nî îkîte waro kana nî îkîte naaî. Nayo ndungata îo nîîkavotana nîûndû Mwathani arî na ûvoti wa gûtûma îvootane.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Jakuvu 5:9

Ariû na aarî a îthe wetû, tigagani gwîkara mûgîtetanagia nîguo mûtigatuîrwe. Taroriani mûtucanîri arûngamîte mûrangorî.

1Sam 25:10

Nake Nabali nîwacokerie anake acio a Daudi atîrî, “Daudi nî ûrîkû? Mûvîcî wa Jesii nî ûrîkû? Kûrî na ngombo nyîngî mûno vûrûrirî iratoroka ikauma kûrî anene a cio!