Jakuvu 3:9 - ÎVUKU RÎA ÛVORO MWARO

⁹ Nîtûrûvûthagîra tûgîcokia ngatho kûrî Mwathani na Vava wetû, na tûkarûvûthîra tûkîruma andû arîa engî maûmbîtwe na mûvianîre wa Ngai.

Jakuvu 3:9 ပူးပေါင်းရင်းမြစ်များ

Kîam 5:1

Ûyû nîguo mûtaratara wa rûciaro rwa Adamu. (Rîrîa Ngai aaûmbire andû, aamaûmbire mavana take.

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

2Sam 16:5

Rîrîa mûthamaki Daudi aakinyire Bahurimu, mûndû ûmwe wa mûciî wa Saûlo wetagwa Shimei nîwathiîre gûtûnga Daudi akîmûrumaga. Shimei aarî mûvîcî wa Gera.

2Sam 19:21

Nake Abishai mûvîcî wa Zeruia nîwaugire atîrî, “Shimei agîrîrwe nî kûûragwa nîûndû nîwarumire mûndû ûrîa Ngai-Mûnene aathuurire atuîke mûthamaki.”

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

Thaburi 10:7

Mîario yao îthagîrwa îcûrîtwe nî irumi, maveeni na kûvinyanîrîria, maragia ciugo njûku cia rûmena.

Thaburi 108:1

Ngoro yakwa nîîkindîrîtie we Ngai! ngaakwinîra na ngûkumie! Ngoro yakwa, ûkîra!

Thaburi 145:1

Nîngûkwambararia we Ngai wakwa, mûthamaki wakwa; na ngumagie rîîtwa rîaku tene na tene.

Thaburi 145:21

Ngaakumagia Ngai-Mûnene vîndî cionthe; ciûmbe cionthe irotûûra ikumagia rîîtwa rîake rîtheru tene na tene.

Thaburi 16:9

Kwoguo nîracokia ngatho na nîrî na gîkeno, na nîndûûra nîrî mûgitîre,

Thaburi 30:12

Kwoguo nie ndigaakira, ngaakwinagîra rwîmbo rwa gûgûkumia. We Ngai-Mûnene, Ngai wakwa, nîndûûra ngûcokagîria ngatho tene na tene.

Thaburi 34:1

Ngaacokagîria Ngai-Mûnene ngatho vîndî cionthe, nîndûûra nîmûkumagia.

Thaburi 35:28

Nîngaacoka mbarie ûvoro wa ûthingu waku kûrî andû, na nîngaagûkumia mûthenya wonthe.

Thaburi 51:14

Mvonokia kuumana na wîvia wa ûragani, we Ngai mûvonokia wakwa, na nîngaakena na manîrîre ûthingu waku kûrî andû.

Thaburi 57:8

Roho wakwa, ûkîra! Ûkîra we ngita na kînanda! Nîngûkîra mbere ya gûkîe.

Thaburi 59:12

Mevagia na ciugo irîa cionthe maragia; kwoguo marogwatithua nî mwîtîîo wao! Nîûndû wa irumi na maveeni marîa maragia,

Thaburi 62:4

Mûvangîte kûnduta vandû va gîtîîo; mûkenaga rîrîa mûkwaria maveeni. Mwaragia ciugo mbaro cia kûrathimana, nwatî ngororî mwîthagîrwa mûkîrumana.

Thaburi 63:4

Nîndûûra ngûcokagîria ngatho ûtûûrorî wakwa wonthe; ngaakûvoyaga mbûkîrîrîtie njara ciakwa.

Thaburi 71:24

Nîngaaragia ûvoro wa ûthingu waku vîndî cionthe, nîûndû arîa meendaga kûmbîka naaî nîavoote na magaconorithua.

Mûvunjia 7:22

nîûndû wanawe nîwicî atî wanaruma andû engî maita meengî.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Ciîko 2:26

Kwoguo nie nîrîmûcanjamûku, na nîraria ngenete. Nwatî wana ethîrwa nîngaakua, nie nîrî na mwîrîgîrîro,

Aroma 3:14

Mîario yao îcûrîte irumi ndûrû.

1Akor 11:7

Mûndûmûrûme ndagîrîrwe nî gûkunîkîra kîongo gîake nîûndû nîwonanagia mûvianîre na riiri wa Ngai. Nwatî mûndûmûka onanagia riiri wa mûndûmûrûme.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Jakuvu 3:10

Ciugo cia gûcokia ngatho na cia kûrumana ciumaga kanyuarî wa kau. Ariû na aarî a îthe wetû, ûndû ûyû ndwagîrîrwe nî gwîkîka.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.