Jakuvu 3:18 - ÎVUKU RÎA ÛVORO MWARO

¹⁸ Ûthingu nî maciaro ma mbegû ya thayû îrîa îvandagwa nî andû arîa macaragia thayû.

Jakuvu 3:18 ပူးပေါင်းရင်းမြစ်များ

Thaburi 92:14

Îthiîcaga na mbere gûciara matunda wana îrî mîkûrû, vîndî cionthe îthagîrwa îrî na vinya na îrî mîruru.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 11:28

Mûndû ûrîa wîvokaga ûtonga wake agûcaga ta îthangû vîndî ya riûa, nwatî mûndû ûrîa mûthingu ekaraga ta îthangû vîndî ya mbura.

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Mathaayo 5:9

Kûrathimwa nî arîa matethagîrîria arîa engî gwîkara na thayû, nîûndû nîmagetagwa ciana cia Ngai!

Johana 4:36

Mûkethi wa maciaro mau nîararîvwa mûcara wake na araketha maciaro nîûndû wa mwoyo wa tene na tene. Kwoguo mûvandi na mûkethi nîmagaakena marî vamwe.

Agal 6:8

Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Ahib 12:11

Tûtikenaga rîrîa tûkûverithua nîûndû nîtwîgucaga ûrûrû. Nwatî arîa maverithagua na makaûmîrîria nîmagîcaga na kîveo Kîam ûtûûro wa thayû na ûthingu.

Jakuvu 1:20

Nîûndû marakara matingîtûma mûndû akinyire ûthingu wa Ngai.