Jakuvu 3:16 - ÎVUKU RÎA ÛVORO MWARO

¹⁶ Varîa varî wîru na wîyendi, vethagîrwa varî na mbûkanîrîro na maûndû macûku ma mîthemba yonthe.

Jakuvu 3:16 ပူးပေါင်းရင်းမြစ်များ

Kîam 11:9

Îtûûra rîu rîetagwa Babeli, nîûndû kûu nîkuo Ngai-Mûnene aavîngîcanithirie nthiomi cia andû onthe, na kuuma vîndî îo Ngai-Mûnene nîwanyaganirie andû nthî yonthe.

Kîam 38:9

Nwatî Onani nîwamenyire atî ciana icio itîgaatuîka ciake. Kwoguo rîrîa rîonthe amenyana kîîmwîrî na mûka wa mûrwang'ina nîwetûrûraga vinya wa ûciari nthî nîguo ndagaciarîre mûrwang'ina ciana.

Maariko 3:25

Wana mûciî ûngîîgaûkania, mûciî ûcio ndûngîvota kwîrûngamia.

Ciîko 19:29

Kwoguo kûu îtûûrarî rîu rîonthe nîgwecûrire înegene. Nakîo kîrîndî nîkîanyitire Gaio na Arisitariko, andû aîrî a kuuma Makedonia arîa maathiîcanagia na Paûlo, na makîvinyûra nao nyombarî ya kwonanîrua mîthako.

Aroma 2:8

Andû engî nî eyendi na nîmaregaga kûrûmîrîra ûma nîguo mekage maûndû marîa macûku. Nga nîakaaverithia andû acio arî na marakara.

1Akor 14:33

Nîûndû Ngai tî Ngai wa kûvîngîcithania maûndû nwatî nî Ngai wa thayû. Wa ta ûrîa gwîkariî makanitharî monthe ma andû a Ngai,

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.