Jakuvu 3:1 - ÎVUKU RÎA ÛVORO MWARO

¹ Ariû na aarî a îthe, tî eengî gatagatîrî kenyu magîrîrwe nîgûtuîka arimû, nîûndû nîmwîcî atî arîa tûthomithagia nîtûgaatuîrwa na vinya makîria ya arîa engî.

Jakuvu 3:1 ပူးပေါင်းရင်းမြစ်များ

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Malaki 2:12

Ngai-Mûnene aroruta andû arîa mekaga maûndû mau rûciarorî rwa Jakovu, na matikarute ûira kana magongoona mbere ya Ngai-Mûnene, mwene vinya wonthe.

Mathaayo 10:24

“Gûtirî mûrutwa mûnene kûrî mûmûruti; wana gûtirî ngombo nene kûrî mûmîathi.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:14

Na kaî mue arimû a Watho na Afarisai mûrî na thîna-î! Mvinga ino! Mue mûveenagîrîria aka a ndigwa na mûkamacuna indo ciao cionthe, na mûgacoka mûkavoya mavoya maraca nîguo mwonwe nî andû. Nîûndû wa ûguo, mue nîmûgaatuîrwa îvera rînene.]

Mathaayo 9:11

Na rîrîa Afarisai moonire ûguo, nîmaaûririe arutwa ake atîrî, “Nîndûî gîtûmaga mwarimû wenyu arîcanîre na evia na etia mbeca cia gooti?”

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Luka 6:37

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

Johana 3:10

Jesû nîwamûcokerie atîrî, “Kûngîvoteka atîa gûtuîke atî we ndwîcî ûndû ûyû na wî mwarimû wî ngumo nene vûrûrirî wa Isiraeli?

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

1Tim 1:7

Andû aya mendaga gûtuîka arimû a watho, nwatî matitaûkagîrwa nî ûrîa o ene makwaria wana kana mataûkîrwe nî maûndû marîa maragia marî na ûmîrîru mûnene.

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

2Tim 1:11

Nie naathuurirwe nî Ngai nduîke mûtûmwa, mwarimû na mûvunjia wa ûvoro mwaro,

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Jakuvu 1:16

Arata akwa ende, mûtikaaveenue!

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Jakuvu 3:10

Ciugo cia gûcokia ngatho na cia kûrumana ciumaga kanyuarî wa kau. Ariû na aarî a îthe wetû, ûndû ûyû ndwagîrîrwe nî gwîkîka.

1Pet 5:3

Tigagani kûvinyîrîria arîa mûvetwe mûmamenyagîrîre, nwatî îthagîrwani mûrî kîonereria Kîamro kûrî o.