Jakuvu 2:20 - ÎVUKU RÎA ÛVORO MWARO

²⁰ We kîrimû! Nîûrenda kwonua atî wîtîkio ûtarî na ciîko nî ûyû mûthatu?

Jakuvu 2:20 ပူးပေါင်းရင်းမြစ်များ

Nthi 12:11

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî andû arîa marûmagîrîra maûndû matarî na umithio nî irimû.

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

Aroma 3:28

Nîûndû Ngai atucaga mûndû mûthingu nî nîûndû wa gwîtîkia, nwatî tî ûndû wa gwîka ûrîa Watho ugîte.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Agal 6:3

Mûndû angîciria atî ke nî wa vata na kwaria ma tî wa vata, nîkwîveenia eveenagia.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Tim 1:6

Andû amwe nîmatiganîte na maûndû mama na magetonyia mîariorî îtarî na vata.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.

Jakuvu 1:26

Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.

Jakuvu 2:17

Kwoguo wîtîkio ûrî wuonga ûtarî na ciîko nî mûkuû.

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.