Jakuvu 2:17 - ÎVUKU RÎA ÛVORO MWARO

¹⁷ Kwoguo wîtîkio ûrî wuonga ûtarî na ciîko nî mûkuû.

Jakuvu 2:17 ပူးပေါင်းရင်းမြစ်များ

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 13:3

Nwa mvecane indo cionthe irîa nîrî nacio, wana nginya nwa ndute mwîrî wakwa nîguo ûvîvue, nwatî ethîrwa ndirî na wendani, ndingîgunîka wana vanini.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

Jakuvu 2:14

Ariû na aarî a îthe wetû, kûrî na vata ûrîkû wa andû kuga atî marî na wîtîkio ethîrwa ciîko ciao itironania? Wîtîkio ûcio nwa ûmavonokie?

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.