Jakuvu 1:12 - ÎVUKU RÎA ÛVORO MWARO

¹² Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 1:12 ပူးပေါင်းရင်းမြစ်များ

Kîam 22:1

Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Ayubu 5:17

“Gûkena nî mûndû ûrîa ûverithagua nî Ngai, kwoguo ndûkaire îverithia rîa Ûrîa mînene.

Thaburi 11:5

Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

Thaburi 119:67

Mbere ya ûmverithia, nînekaga mavîtia; nwatî rîu nîmbathîkagîra kiugo gîaku.

Thaburi 119:71

Kwonua thîna gwakwa nîkwagîrîrîte, nîûndû nîgûtûmîte menye watho waku.

Thaburi 119:75

Nîmbicî atî we Ngai-Mûnene, ûtucaga ciira ûrîa kwagîrîrîte, na wamverithirie nîûndû ûrî mwîvokeku.

Thaburi 5:11

Nwatî tiga arîa onthe maûragîra kûrî we makene, tiga vîndî cionthe mainage makenete. Gitagîra andû arîa makwendete; makenage nîûndû wa maûndû marîa ûmekîrîte.

Thaburi 94:12

Kûrathimwa nî mûndû ûrîa we Ngai-Mûnene ûrûngaga, mûndû ûrîa we ûthomithagia watho waku!

Ntha 20:6

Nîmonanagia wendo ûtathiraga kûrî andû ngiri nyîngî arîa mamendete na megucaga maathani makwa.

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Aroma 5:4

nakuo kûmîrîria kûretaga gwîkindîria, nakuo gwîkindîria kûretaga kîîrîgîrîro.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 2:9

Nwatî mandîkorî matheru kwandîkîtwe atîrî, “Ûndû ûrîa gûtarî mûndû wana ûmwe wanawona kana awîgue, ûrîa gûtarî mûndû wana ûmwe waneciria atî nwa wîkîke, ûndû ûcio nîguo Ngai aavarîrie nîûndû wa arîa mamwendete.”

1Akor 8:3

Nwatî Ngai nîwîcî mûndû wa wonthe ûmwendete.

1Akor 9:25

Mûvinyûri wa wonthe akîîmenyeria ûrîa akaavinyûra mîthakorî nîwîathaga maûndûrî monthe. Ekaga ûguo nîguo akaavewa nthûmbî îrîa îthiraga, nwatî tue twîkaga ûguo nîguo tûkaavewa nthûmbî îrîa îtathiraga.

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

Ahib 12:5

Anga nîmûriganîrîtwe nî ciugo cia kûmwîkîra vinya irîa Ngai aragia namue ta mûrî ciana ciake? “Mwana wakwa, thikagîrîria rîrîa ûkûrûngwa nî Mwathani, ndûkaûrwe nî vinya rîrîa agûkûverithia.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Pet 3:14

Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

1Joh 4:19

Tue twendanaga nîûndû Ngai nîwatwendire mbere.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.