Isaia 9:6 - ÎVUKU RÎA ÛVORO MWARO

⁶ Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Isaia 9:6 ပူးပေါင်းရင်းမြစ်များ

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Atha 2:33

Kwoguo Joabu na njiarwa ciake nîmatûûra marî na kîrumi tene na tene nîûndû wa gîkuû Kîam andû acio. Nwatî Ngai-Mûnene nîatûûra avecaga Daudi, andû a mûciî wake, njiarwa ciake na ûthamaki wake thayû na ûvootani.”

1Atha 2:45

Nwatî Ngai-Mûnene nîakaandathima na atûûre amenyagîrîra ûthamaki wa Daudi tene na tene.”

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Thaburi 45:6

Ûthamaki ûrîa Ngai akûvete nîûtûûra tene na tene. We wathaga andû aku na kîvooto;

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 72:3

Vûrûri ûrogîa na ûthiî wa na mbere, na ûgîe na maûndû ma ûthingu.

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Thaburi 85:10

Wendo ûtathiraga na wîvokeku nîigaacemania, ûthingu na thayû nîikaamumunyana.

Thaburi 89:5

Tiga îgûrû rîkumie maûndû maku ma magegania we Ngai-Mûnene; arîa atheru nîmakumie wîvokeku waku.

Nthi 8:23

Tene mûno Kîammbîrîriarî nîrîo naaûmbirwe, nînie naarî wa mbere nthî îtanaûmbwa.

Isaia 10:21

Andû a Isiraeli arîa magaatigara nî magaacokerera Ngai mwene Vinya.

Isaia 11:5

Ke akaathanaga na ûthingu na wîvokeku.

Isaia 16:5

mûndû wa rûciaro rwa Daudi nîagaatuîka mûthamaki; na nîakaatha andû na wîvokeku na wendo ûtathiraga. Ke agaatucanagîra ciira na kîvooto na waragania na ekage maûndû ma ûthingu.”

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 28:29

Ûûgî ûyû wonthe umîte kûrî Ngai-Mûnene mwene vinya wonthe, mataaro make nî ma kûgegania, na ûûgî wake nî mwîngî mûno.

Isaia 32:1

Nîgûkaagîa na mûthamaki ûkaathanaga na ûthingu, na anene mathanage na kîvooto.

Isaia 37:32

Nîûndû nîgûkaagîa na andû magaatigara kûu Jerusalemu, nakuo Kîrîmarî gîa Zayuni nîgûkethîrwa na andû anini makethîrwa matigarîte. Ngai-Mûnene mwene vinya wonthe nîavangîte gwîka ûguo.

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 53:2

Nîûndû ndungata îo yake yakûrire îrî mbere yake ta mûtî mwîthî, ta mûri ûrî nthî îno nyûmagaru. Ndîarî na mûmbîre kana ûndû ûngîatûmire tûmîende, na ndîarî na ûthaka ûrîa ûngîatûmire tûmîrirîrie.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

Jeremia 31:22

Nîwîkara ûkîagagaga nginya rî we mwarî ûyû ûtarî mwîvokeku? Nîûndû nie Ngai-Mûnene nîndûthîte kîndû gîcerû gûkû nthî, mûndûmûka agitagîra mûndûmûrûme.”

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Hagai 2:9

Hekarû îrîa njerû îkethîrwa îrî nthaka gûkîra ya mbere, na kûu nîkuo ngarathimîra andû akwa.” Ûguo nîguo Ngai-Mûnene mwene vinya wonthe arauga.

Mathaayo 1:1

Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 15:25

Kristû nwa nginya akaathana nginya rîrîa Ngai akaavoota nthû cionthe ciake na aciige rungu rwa magûrû ma Mûrû wa Mûndû.

2Akor 5:19

Ndûmîrîri yetû nî atî na njîra ya Kristû, Ngai nîwegwithanagia andû onthe. Ngai ndaatara mevia mao, na nîatûvete ndûmîrîri ya kwîgwithania andû nake.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 1:8

Ûvoro wîgiî Mûriû Ngai nîwaugire atîrî, “Ûthamaki waku we Ngai nîûgûtûûra tene na tene! We wathaga andû aku na kîvooto.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Atir 13:18

Nake mûraika wa Ngai-Mûnene nîwaûririe Manoa atîrî, “Ûrenda kûmenya rîîtwa rîakwa nîkî? Rîîtwa rîakwa nî rîa kûgegania.”