Isaia 9:19 - ÎVUKU RÎA ÛVORO MWARO

¹⁹ Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Isaia 9:19 ပူးပေါင်းရင်းမြစ်များ

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 60:2

Taroria nduma nîgaakunîka nthî, na nduma ndumanu îkunîke andû; nwatî Ngai-Mûnene nîagaakûmûrîkîra, na riiri wake nîûkooneka îgûrû rîaku.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Ezek 20:47

Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 9:5

Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.

Joeli 2:2

Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Amosi 5:18

Kaî andû arîa metagîrîra mûthenya wa Ngai-Mûnene marî na thîna-î. Mwetagîrîra mûthenya ûcio wa Ngai-Mûnene nîkî na ûkethîrwa ûrî mûthenya wa nduma na tî wa ûtheri.

Obadia 1:18

Andû a Jakovu makethîrwa mekariî ta mwaki, na andû a Josefu mekariî ta nînîmbî cia mwaki. Nîmakaathiria andû a Esaû, wata ûrîa mwaki ûvîvagia rûûa rûkathira, na nyomba ya Esaû gûtigatigara mûndû ûrî mwoyo. Nie Ngai-Mûnene nînie nauga ûguo.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Mika 7:6

Nîûndû mwanake ndatîîaga îthe, na mwîrîtu agakararia ng'ina. Mûviki akararanagia na nyaciarawe; nthû cia mûndû nî andû a mûciî wake.

Zakaria 11:6

Ngai-Mûnene augîte atîrî, “Ndigûcoka kwîguîra andû a gûkû nthî ntha rîngî. Nîndiganîria wa mûndû njararî cia mûndû ûrîa wîngî na nîmatiganîrie wa mûndû njararî cia mûthamaki wake. Nao nîmakaavinyîrîria nthî, na gûtirî mûndû ngaavonokia njararî ciao.”

Zakaria 11:9

Kwoguo nînaaciîrire atîrî, “Ndigûcoka gûtuîka mûrîthi wenyu rîngî. Ethîrwa nî gûkua, kuani. Ethîrwa nî kûragwa, ûragwani. Ng'ondu irîa igûtigara nîikûrîcana cio mene na ithiranie.”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Ciîko 2:20

Riûa nîrîkaagarûrûka rîtuîke nduma, naguo mweri nîûkaagarûrûka ûtunîve ta nthakame, mbere ya Mûthenya wa Mwathani ûkinye, mûthenya ûcio ûkethîrwa ûrî mûnene na ûrî na riiri.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.