Isaia 9:14 - ÎVUKU RÎA ÛVORO MWARO

¹⁴ Kwoguo mûthenya ûmwe Ngai-Mûnene nîagaatinia Isiraeli ciongo na mîkia, agaatinia rûvûa rwa mûkîndû na rûthanje.

Isaia 9:14 ပူးပေါင်းရင်းမြစ်များ

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 19:15

Gûtirî mûndû vûrûrirî wa Misiri, arî gîtonga kana mûthîni, mûndû ûrî îgweta kana ûtarî îgweta, ûngîvota gwîka ûndû wa vata.

Isaia 30:13

kwoguo mevia nîmamûretera mûthiro, ta mwatûka wa rûthingo rûraca na îgûrû, rûkaagwa wa rîmwe.

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Maca 4:16

Ngai-Mûnene nîke wamanyaganirie, na agîtiga kûmamenyerera, athînjîri-Ngai magîtiga kûvewa gîtîîo, agîtiga kûrûmbûiya ûvoro wa atongoria.

Hosea 1:4

Nake Ngai-Mûnene nîwerire Hosea atîrî, “Tuîra kaana rîîtwa ûgeete Jezireeli, nîûndû nînîvarîrîtie kûverithia nyomba ya mûthamaki Jehu, nîûndû wa andû arîa aûragîre Kîamndarî Kîam Jezireeli na nthirie ûthamaki wa Isiraeli.

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Hosea 10:15

Ûguo nwa ta guo wana mue mûgekwa mue andû a Betheli, nîûndû wa mevia menyu manene. Gwakîa, mûthamaki wa Isiraeli nîagaacûkangua viû.

Hosea 13:3

Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.

Hosea 4:5

Mûthenya we nîûkaavîngwa, nake mûrathi nîakaavîngwa vamwe nawe ûtukû. Nîngacûkangia nyûkwe Isiraeli.

Hosea 8:8

Andû a Isiraeli nîamerie; rîu marî gatagatî ka mavûrûri mengî, ta kîndû gîtarî na vata;

Amosi 3:12

Ngai-Mûnene arauga atîrî, “Wata ûrîa mûrîthi atethûraga magûrû maîrî, kana kînuku Kîam gûtû kwa ng'ondu kuuma kanyuarî ka mûnyambû, nwa guo andû a Isiraeli arîa matûûraga Samaria magatethûrwa, arîa rîu mamamagîra itanda mbaro na nguo cia goro.”

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”

Kûguû 18:17

Na kavinda ka îthaa rîmwe ûtonga ûcio wonthe watuîka wa mana.” Nao atwarithia a meri, andû arîa maathiîcaga rûgendo na meri, aruti wîra a meri, na andû arîa maarutaga wîra îriarî nîguo moone indo cia gwîtethia nacio nîmaarûngamire varaca.

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”