Isaia 9:10 - ÎVUKU RÎA ÛVORO MWARO

¹⁰ “Nthingo cia matuvarî nî nyomomoku, nwatî tue nîtûituma rîngî na mathiga marî maumie. Itugî cia mîtî ya mîkûyû nî njûkangie, nwatî vandûrî va cio nîtûtuma na cia mîtarakwe.”

Isaia 9:10 ပူးပေါင်းရင်းမြစ်များ

1Atha 10:27

Vîndî ya ûthamaki wa Solomoni, sîlûva ciengîvîte ta mathiga, nayo mîtarakwe yengîvîte ta mîkûyû îrîa îrî Shefela.

2Atha 16:9

Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Luka 19:4

Kwoguo Zakayo nîwavinyûrire mbere ya andû na agîtwa mûkûyû îgûrû nîguo avote kwona Jesû ûrîa wavîtûkîrîre njîrarî îo.