Isaia 8:22 - ÎVUKU RÎA ÛVORO MWARO

²² na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Isaia 8:22 ပူးပေါင်းရင်းမြစ်များ

Ayubu 18:18

Aarutirwe ûtherirî agikua ndumarî, akîngatwa vûrûri wa arîa marî mwoyo.

Ntha 10:21

Ngai-Mûnene nîwacokire akîra Musa atîrî, “Ûkîrîria njara yaku îroretie na îgûrû maturî. Na nîgûkûgîa nduma nene mûno îngîvota kûnyitîka na îîgûkunîka vûrûri wonthe wa Misiri.”

Ntha 10:22

Na Musa nîwaûkîrîrie njara yake îroretie na îgûrû maturî. Nakuo nîkwagîre nduma nene mûno vûrûri wa Misiri îvinda rîa mîthenya îthatû.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Isaia 50:3

Nînie ndûmaga îgûrû kûgîe nduma, na ngarîkunîka na nguo cia macakaya.”

Isaia 59:9

Nîûndû wa maûndû mau twîkîte, kîvooto kîrî kûraca natue, na Ngai nîarutîte ûthingu wake kûrî tue. Tûcaragia ûtheri, nwatî twîyonaga ndumarî, twîriragîria kûthiîrîra ûtherirî, nwatî tûthiîcagîrîra ndumarî.

Isaia 60:2

Taroria nduma nîgaakunîka nthî, na nduma ndumanu îkunîke andû; nwatî Ngai-Mûnene nîagaakûmûrîkîra, na riiri wake nîûkooneka îgûrû rîaku.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Isaia 9:1

Vûrûri ûrîa wecûrîtwe nî kîeva ndûkethîrwa ûrî na mathîna rîngî. Tene Ngai nîwatûmire mavûrûri ma Zebuluni na Nafutali mamenererue, nwatî vuvarî nîagaatûma Galili kûrîa andû a ndûrîrî matûûraga kûgîe na ûkumio. Vûrûri ûyû nî ûrîa ûrî njîrarî îrîa îthiîrîrîte gatagatî ka îria na Jorodani.

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 23:12

Kwoguo njîra ciao ikethîrwa irî ndenderû kûrî na nduma, kûrîa makaavirwa na magwe, na nîngamaretithîria mûthiro rîrîa mwaka wa kûmaverithia ûgakinya.” Ûguo nîguo nie Ngai-Mûnene nîrauga.

Mathaayo 22:13

Nake Mûthamaki nîwacokire akîra ndungata icio ciake atîrî, ‘Mûthaikeni njara na magûrû na mûmwikie na nja ndumarî. Kûu nîkuo andû makaarîra na marîe magego.’ ”

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Kûguû 16:10

Nake mûraika wa gatano nîwetûrûrire kîrîa Kîamrî mbakûrirî yake îgûrû rîa gîtî Kîam ûnene Kîam nyamû îo. Nakuo kûrîa kuonthe nyamû îo yathanaga nîkwagîre nduma, na andû makîîrûma nîmî ciao nîûndû wa ûrûrû.