Isaia 8:19 - ÎVUKU RÎA ÛVORO MWARO

¹⁹ Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Isaia 8:19 ပူးပေါင်းရင်းမြစ်များ

Kîam 41:24

Igira icio mûgwanja ciarî njeke nîciameririe icio mûgwanja ciarî mbaro. Nînîrerire aringi ciama ûvoro ûcio, nwatî gûtirî ûravotire kûndaûrîra iroto icio.”

2Atha 1:3

Nwatî mûraika wa Ngai-Mûnene nîwerire mûrathi Elija kuuma Tishibe athiî agacemanie nao na amaûrie atîrî, “Nîkwa gûtarî ngai gûkû Isiraeli atî nîguo mûthiî mûkaûrie ûtaaro kûrî Baalizebubu, ngai ya Ekironi?

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 26:14

Andû acio nîmaakwire na matigaatûûra mwoyo rîngî; nîmatuîkîte iruru na matikaariûka. We nîwe wamaverithirie na ûkîmathiria, na gûtirî mûndû ûkaamaririkana rîngî.

Isaia 29:4

Nîûgaatungumanua nthî kûndû kûraca; nîûkaaruta mûgambo kuuma rungu rwa mûthetu, nîûkaarutaga mûgambo ûrî rungu rwa mûthetu, mûgambo waku ûkaaumaga na kûu mûtheturî wîkariî ta mûgambo wa ngoma, na mûgambo waku ûkeguîkaga ûkîaria na kîvwe kuuma mûtheturî.

Isaia 30:2

Ciambagîrîria rûgendo ithiîte Misiri itambûrîtie ûtaaro, ithiîte gûcaria ûgitîri wa mûthamaki wa Misiri, na ikathiî gûcaria gwa kwîthitha vûrûrirî wa Misiri!

Isaia 45:11

Ngai-Mûnene Ûrîa Mûtheru wa Isiraeli, ûrîa mûmûmbi arauga atîrî, “Nwa mûmbûrie ûvoro wa ciana ciakwa, kana mûmbathîre wîra ûrîa ndutaga nie mwene?

Isaia 47:12

Îkara wîvokete ûgo na ûrogi waku mwîngî, indo irîa ûtwîre ûtûmagîra kuuma rîrîa warî mûnini. Ciavota gûgûtethia, ciavota gûtûma andû metigîre.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 27:9

Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Mika 5:12

Nîngaathiria aragûri onthe arîa mwîthagîrwa nao na nîmûtige mûtarî na mûndû wa kûmwonera maûndû.

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Gûco 18:11

kana mûrogi, kana mûndû ûrîa waragia na maroho ma andû arîa akuû.

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

1Sam 28:11

Nake mûndûmûka ûcio nîwaûririe Saûlo atîrî, “Ûrenda ngwîtîre û?” Nake Saûlo nîwacokirie atîrî, “Mbîtîra Samueli.”

1Sam 28:16

Nake Samueli nîwerire Saûlo atîrî, “Ûrambîta rîrîa Ngai-Mûnene agûtiganîrîtie na agatuîka nthû yaku nîkî?

1Sam 28:7

Saûlo nîwacokire akîra ndungata ciake atîrî, “Njarîriani mûndûmûka mûndûmûgo, nîguo nthiî ngatuîrie ûvoro kuuma kûrî ke.” Nacio ndungata ciake nîciamwîrire atîrî, “Nî varî mûndûmûka ûmwe mûndû mûgo ûrî Endori.”

1Sam 28:8

Kwoguo Saûlo nîwegarûrire nîguo ndakamenyeke na nîwekîrire nguo ciîngî na makîthiî marî na andû engî aîrî kwona mûndûmûka ûcio ûtukû. Nake Saûlo nîwerire mûndûmûka ûcio atîrî, “Ta ragûra na njîra ya roho na ûndetere mûndû ûrîa ngûgweta.”