Isaia 8:16 - ÎVUKU RÎA ÛVORO MWARO

¹⁶ Nîngûmenyerera maathani mama na nîmathomithie kûrî arutwa akwa.

Isaia 8:16 ပူးပေါင်းရင်းမြစ်များ

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Maariko 10:10

Rîrîa maacokire nyomba, arutwa nîmaaûririe Jesû ûndû ûcio wa rîngî.

Maariko 4:34

Na ndangîarîrie kîrîndî na njîra îngî tiga ya ngerekano. Nwatî rîrîa ethagîrwa arî vakuvî na arutwa ake onga, nîwamataaragîria maûndû monthe.

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

Gûco 4:45

Ino nîcio irîra, mawatho, na matuîro ma ciira marîa Musa aaveere andû a Isiraeli rîrîa maaumire Misiri.

Ahib 3:5

Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.

Kûguû 10:4

Nacio ngwa icio mûgwanja ciarîkia kûgamba, naarî vakuvî kwandîka. Nwatî nînegwire mûgambo ûkîaria kuuma îgûrû na ûkiuga atîrî, “Iga îrî nthitho ûrîa ngwa icio mûgwanja ciauga, na ndûkawandîke!”

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 5:1

Nînaacokire ngîona îvuku rîa gîkûnjo rîrî njararî ya ûrîo ya ûrîa wekarîrîte gîtî Kîam ûthamaki. Îvuku rîu rîandîkîtwe mîena yoîrî na rîgatumwa na ndumo mûgwanja.

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”