Isaia 8:14 - ÎVUKU RÎA ÛVORO MWARO

¹⁴ Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Isaia 8:14 ပူးပေါင်းရင်းမြစ်များ

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Thaburi 140:5

Andû arîa etîi nîmambigîrîte mûtego; mambîte ndigi ta neti, na makathitha mîtego njîrarî nîguo mangwatithie.

Thaburi 69:22

Irugo ciao irotuîka cia kûmanyitithia, irugo ciao irîa nyamûre irotuîka mûtego kûrî o.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 4:6

Riiri wake nîûgaatuîka kîruru Kîam gûkunîkîra îtûûra mûthenya nîûndû wa ûrugarî wa riûa na kûndû gwa kwîthitha rûkûngi rûnene na mbura.

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Ezek 11:16

“Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Ezek 3:20

“Mûndû mûthingu angîtiga ûthingu wake na agîcoka gwîka maûndû macûku, nîngekîra maûndû ma kûmûvînga mbere yake na mûndû ûcio nîagaakua. Nîûndû ndwanamûkania, nîagaakua nîûndû wa waganu wake. Ndikaaririkana ciîko ciake cia ûthingu na nîngaakûrîvia nthakame yake.

Mathaayo 13:57

Kwoguo nîmaamûregire. Nake Jesû nîwamerire atîrî, “Mûrathi nîavecagwa gîtîîo kûndû kuonthe tiga îtûûrarî rîa kwao, na kûrî andû a mûciî wake!”

Mathaayo 21:44

Na mûndû ûrîa ûkaagwîra îthiga rîu nîakaaunîkanga, na rîngîkaagûîra mûndû nîrîkaamûmindiûra atuîke rûkûngû.]”

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Luka 21:35

wata ûrîa mbîa îthagîrîrua nî mûtego îtevarîrîtie. Nîûndû mûthenya ûcio ûgaaûka kûrî andû onthe arîa matûûraga gûkû nthî.

Aroma 11:35

Nû wanamûva wanarî kîndû, atî nîguo acoke arîvwe nîke?”

Josh 10:7

Kwoguo Joshua na athigari ake onthe a mbaara vamwe na athigari arîa maarî na vinya na njamba nîmaambîrîrie rûgendo kuuma Giligali.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.