Isaia 7:7 - ÎVUKU RÎA ÛVORO MWARO

⁷ Nwatî nie, Mwathani Ngai-Mûnene nîrauga atîrî, “Ûndû ûcio ndûkaavinga.

Isaia 7:7 ပူးပေါင်းရင်းမြစ်များ

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 28:18

Vîndî îo kîrîkanîro kîenyu na gîkuû nîgîkaathirua, na ngwatanîro yenyu na kwa arîa akuû îgaatuîka ya mana. Rîrîa mûthiro ûkaavîtûkîrîra kûu nîûkamûthiria.

Isaia 37:29

Nîûndû nîûndakarîrîte, na nîmbîguîte ûvoro wa mwîtîîo waku, nîngwîkîra ndûano yakwa îniûrûrî rîaku, na mbîkîre gîcûvî gîakwa kanyuarî gaku, na ngûcokie na njîra îrîa waûkire nayo.”

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:6

‘Nîtûthiî tûkatharîkîre andû a vûrûri wa Juda, tûmeguithie guoya, twîgwatîre vûrûri ûcio na tûtue mûvîcî wa Tabeeli mûthamaki wakuo.’ ”

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Maca 3:37

Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.