Isaia 7:12 - ÎVUKU RÎA ÛVORO MWARO

¹² Nwatî Ahazi nîwacokirie atîrî, “Ndigwîtia rûûri, na tîngeria Ngai-Mûnene.”

Isaia 7:12 ပူးပေါင်းရင်းမြစ်များ

2Atha 16:15

Mûthamaki Ahazi nîwacokire akîatha mûthînjîri-Ngai Uria atîrî, “Tûmagîra metha îno nene yakwa ya kîgongoona rîrîa ûkûruta matega ma kûvîvua kîraûko, matega ma irio cia mûgûnda kîvwaî, îtega rîa kûvîvua rîa mûthamaki na îtega rîake rîa irio cia mûgûnda, îtega rîa kûvîvua rîa andû onthe, îtega rîao rîa irio cia mûgûnda, îtega rîao rîa ndivei, na ûminjage îgûrû rîayo nthakame yonthe ya kîgongoona. Nwatî nînie ngaatûmagîra metha ya kîgongoona ya gîcango rîrîa ngwaria na Ngai-Mûnene.”

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

Isaia 7:11

“Îra Ngai-Mûnene, Ngai waku akûve rûûri, rûrî rwa kuuma kûrîa kûriku mûno kwa arîa akuû kana rwa kuuma îgûrû mûno.”

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.

Gûco 6:16

“Mûtikagerie Ngai-Mûnene, Ngai wenyu ta ûrîa mwekire mûrî Masa.