Isaia 7:1 - ÎVUKU RÎA ÛVORO MWARO

¹ Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:1 ပူးပေါင်းရင်းမြစ်များ

2Atha 15:25

Mûtongoria ûmwe wa athigari a mbaara a mûthamaki Pekahia wetagwa Peka, mûvîcî wa Remalia nîwavangire marî na arûme mîrongo îtano (50) a kuuma Gileadi, ûrîa makûraga Pekahia. Peka nîwaûragîre Pekahia nyombarî yake ya ndaarî, na agîtuîka mûthamaki vuva wake.

2Atha 15:27

Mwakarî wa mîrongo îtano na îîrî (52) Azaria arî mûthamaki wa Juda, Peka, mûvîcî wa Remalia nîwatuîkire mûthamaki wa Isiraeli, na nîwathanire arî Samaria îvinda rîa mîaka mîrongo îîrî (20).

2Atha 15:37

Vîndî îo Jothamu aathanaga nîrîo Ngai-Mûnene aatûmire Rezini, mûthamaki wa Sîria na Peka, mûthamaki wa Isiraeli mathiî makatharîkîre Juda rita rîa mbere.

2Atha 16:1

Mwakarî wa îkûmi na mûgwanja (17) Peka, mûvîcî wa Remalia arî mûthamaki wa Isiraeli, Ahazi mûvîcî wa Jothamu nîwatuîkire mûthamaki wa Juda

2Atha 16:5

Rezini, mûthamaki wa Sîria na Peka, mûthamaki wa Isiraeli nîmaatharîkîre îtûûra rîa Jerusalemu na makîrîthiûrûrûkîria, nwatî matiavoota Ahazi.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Isaia 9:11

Kwoguo, Ngai-Mûnene nîakaarete nthû ciao nîguo imatharîkîre.

Ezek 27:16

Andû a Sîria nîmaarutithanirie wîra nawe wa kwendia na kûgûra indo nîûndû warî na indo nyîngî. Nîmaakûvere indo ta mathiga ma goro, itambaa cia rangi wa njambarawe, itambaa ino ng'emie na nguo mbaro nîguo nawe ûmave indo ciaku.

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.